വത്തിക്കാൻ:2026 ഏപ്രിൽ 26-ന്, നല്ല ഇടയന്റെ ഞായറാഴ്ച (Good Shepherd Sunday), റോം രൂപതയ്ക്കായി എട്ട് പുതിയ വൈദികരെ ലെയോ പതിനാലാമൻ മാർപ്പാപ്പ അഭിഷേകം ചെയ്യും.

റോം രൂപതയിൽ പുതിയ എട്ട് വൈദികരും ഏഴ് സ്ഥിര ഡീക്കന്മാരും

റോം രൂപതയുടെ ചരിത്രത്തിലെ സുപ്രധാനമായ ഒരു നിമിഷത്തിന് 2026 ഏപ്രിൽ സാക്ഷ്യം വഹിക്കുന്നു. സഭയുടെ മിഷൻ പ്രവർത്തനങ്ങൾക്ക് പുത്തൻ ഉണർവ് നൽകിക്കൊണ്ട് പുതിയ വൈദികരും ഡീക്കന്മാരും ശുശ്രൂഷാ രംഗത്തേക്ക് പ്രവേശിക്കുന്നു. വത്തിക്കാനിലെ സെന്റ് പീറ്റേഴ്സ് ബസിലിക്കയിൽ വെച്ചായിരിക്കും തിരുക്കർമ്മങ്ങൾ നടക്കുക.

 

അഭിഷേകം ചെയ്യപ്പെടുന്ന പുതിയ വൈദികർ:

ഗുഗ്ലിയെൽമോ ലപെണ്ണ, ജോർജിയോ ലറോസ, ജോസ് ഇമ്മാനുവൽ നെലെം സബാതെ, ജിയോവാനി ഇമ്മാനുവൽ നുൻസിയാന്തെ സലാസർ, അന്റോണിനോ ഓർഡിൻ, യോർദാൻ കാമിലോ റാമോസ് മെദീന, ഡാനിയേൽ റിസ്സിക്ക, ക്രിസ്റ്റ്യൻ സ്ഗ്വാസിനോ.

ഏഴ് പുതിയ സ്ഥിര ഡീക്കന്മാരെ (Permanent Deacons) നിയമിക്കുന്നതിനും പരിശുദ്ധ പിതാവ് അനുമതി നൽകി.2026 ഏപ്രിൽ 18, ശനിയാഴ്ച (രാവിലെ 10:00 മണി) ,സെന്റ് ജോൺ ലാറ്ററൻ ബസിലിക്ക (റോം രൂപതയുടെ കത്തീഡ്രൽ) , കാർഡിനൽ ബാൾദാസ്സറെ റെയ്‌ന (മാർപ്പാപ്പയുടെ വികാരി ജനറൽ) മുഖ്യകാർമികനായിരിക്കും.

റോമിലെ വിശ്വാസസമൂഹം അതീവ കൃതജ്ഞതയോടെയും പ്രാർത്ഥനയോടെയുമാണ് ഈ ശുശ്രൂഷികളെ വരവേൽക്കുന്നത്. ക്രിസ്തുവിന്റെ ഹൃദയത്തോട് ചേന്നുനിൽക്കുന്ന, സുവിശേഷത്തിന്റെ വിനീതരും സന്തോഷവാന്മാരുമായ ദാസന്മാരായി ഇവർ മാറട്ടെയെന്ന് റോം വികാരിയേറ്റ് ആശംസിച്ചു.