തിരുവനന്തപുരം: സംസ്ഥാന പൊലീസ് മേധാവിയായി അനില് കാന്തിനെ നിയമിക്കാന് മന്ത്രിസഭാ യോഗത്തില് തീരുമാനം.എഡിജിപി കസേരയില് നിന്നും നേരിട്ട് പൊലീസ് മേധാവിയാകുന്നുവെന്ന പ്രത്യേകത കൂടിയുണ്ട്. അപ്രതീക്ഷിതമായാണ് യു പി എസ് സിയുടെ മൂന്നംഗ ചുരുക്കപ്പട്ടികയില് അനില്കാന്ത് ഇടം നേടിയത്.ദില്ലി സര്വ്വകലാശാലയില് നിന്നും പൊളിറ്റിക്കല് സയന്സില് എം എ പൂര്ത്തിയാക്കിയ ശേഷമാണ് അനില് കാന്ത് സിവില് സര്വ്വീസ് നേടുന്നത്. 1988 ബാച്ചിലെ ഐപിഎസ് ഉദ്യോഗസ്ഥനാണ്. നിലവില് എഡിജിപിയാണ് ഇദ്ദേഹം. ഡിജിപി തസ്തികയില് എത്തും മുമ്പെ പൊലീസ് മേധാവി. അടുത്ത മാസം 30 ന് മാത്രം ഡിജിപി റാങ്കിലെത്തുന്ന അനില്കാന്തിന് ഏഴ് മാസത്തെ സര്വ്വീസാണ് ബാക്കിയുള്ളത്. എന്നാല് പൊലീസ് മേധാവിയായതോടെ രണ്ട് വര്ഷം കൂടി അധികമായി കിട്ടും. വിവിധ ജില്ലകളില് പൊലീസ് മേധാവിയായും ഐബിയിലും സേവനമനുഷ്ഠിച്ചിട്ടുണ്ട് അനില്കാന്ത്
Comments