ബെയ്ജിംഗ്: ചൈനയില് കോവിഡ് തരംഗം വീണ്ടും ആരംഭിച്ചതായി അന്താരാഷ്ട്ര മാധ്യമം "വാഷിംഗ്ടണ് പോസ്റ്റ്' റിപ്പോര്ട്ട് ചെയ്തു.കോവിഡ് മുക്തരായി എന്ന് ചൈന പ്രഖ്യാപിച്ചതിന് ശേഷം ആരംഭിച്ച ശക്തമായ തരംഗമാണിത്. രോഗസാധ്യത അത്യധികം ഉയരാമെന്നും കൂടുതൽ ആളുകളെ രോഗം ബാധിക്കാമെന്നും "വാഷിംഗ്ടണ് പോസ്റ്റ്' വാർത്തയിൽ സൂചിപ്പിക്കുന്നു. ചൈനയില് കോവിഡ് കേസുകള് വര്ധിപ്പിക്കുന്നത് എക്സ്ബിബി ഒമിക്രോണ് വകഭേദങ്ങളാണ്.
യുഎസിലും ആശങ്ക നിലനില്ക്കുന്നുണ്ട്. പുതിയ വകഭേദങ്ങളും കോവിഡ് കേസുകളില് വര്ധനവും യുഎസിൽ ആശങ്കക്ക് വഴിവെക്കുന്നു. എന്നാൽ ചൈനയില് ആശങ്കപ്പെടാനുള്ള സാഹചര്യമില്ലെന്നാണ് അധികൃതര് പറയുന്നത്. കോവിഡിന് എതിരെയുള്ള വാക്സിനുകള് എത്രയും പെട്ടെന്ന് ലഭ്യമാക്കാനുള്ള ശ്രമത്തിലാണെന്നും വ്യക്തമാക്കിയിട്ടുണ്ട്.
വാർത്തകളും വിശേഷങ്ങളും ഏറ്റവും വേഗത്തിൽ
Comments