പുനർഗേഹം - പുനർചിന്ത  അനിവാര്യമോ ?

കേരള തീരത്ത് വേലിയേറ്റ രേഖയിൽ നിന്ന് 50 മീറ്ററിനുള്ളിൽ താമസിക്കുന്ന ആളുകളെ പുനരധിവസിപ്പിക്കുന്നതിന് രൂപീകരിച്ച പദ്ധതിയാണ് പുനർഗേഹം. 7.1.2020 ൽ സംസ്ഥാന സർക്കാർ പുറത്തിറക്കിയ (മത്സ്യബന്ധന വകുപ്പ് )13/2020 ഉത്തരവുപ്രകാരം മൂന്ന് ഘട്ടങ്ങളായി പൂർത്തീകരിക്കുന്ന ഈ പദ്ധതിയിലൂടെ ആദ്യഘട്ടത്തിൽ 8487 കുടുംബങ്ങളെയും രണ്ടും മൂന്നും ഘട്ടങ്ങളിൽ 5099 കുടുംബങ്ങളെയും പുനരധിവസിപ്പിക്കും.  2019 മുതൽ 2021 വരെയുള്ള കാലയളവിലാണ് ഉത്തരവുപ്രകാരംപദ്ധതി നടപ്പാക്കുന്നത്.

സുരക്ഷിതമായ വീട്

കടൽക്ഷോഭത്തിൽ നിന്ന് ശാശ്വതമായ പരിഹാരം എന്ന നിലയിൽ സുരക്ഷിതമായ വീട് ഈ പദ്ധതി സ്വീകരിക്കുന്നവർക്ക് സ്വായത്തമാക്കാം. പദ്ധതിയുടെ ഗുണഭോക്താവ് ആകണമെങ്കിൽ വേലിയേറ്റ രേഖയിൽ നിന്ന് 50 മീറ്റർ നള്ളിൽ അപേക്ഷകന് സ്വന്തമായി വീട് ഉണ്ടാകണം. ഈ പദ്ധതി പ്രകാരം പുതിയ വീട് നിർമ്മിക്കുന്നതോടുകൂടി പഴയ ഭൂമി പരിത്യജിക്കണം. അതേസമയം 5 സെൻറ് മുകളിൽ ഭൂമി ഉണ്ടെങ്കിൽ നിബന്ധനകൾക്ക് വിധേയമായി സ്ഥലം കൃഷി ചെയ്യാൻ ഉപയോഗിക്കാം; നിർമ്മാണങ്ങൾ  അനുവദനീയമല്ല. വീടു കൂടാതെ ഫ്ലാറ്റ് സമുച്ചയങ്ങളുടെ കാര്യവും പരിഗണിക്കാവുന്നതാണ് എന്ന കാര്യവുംഉത്തരവിലുണ്ട്. മാറി താമസിക്കാൻ തയ്യാറാവുന്ന ഗുണഭോക്താവിന് ഭൂമി വാങ്ങാനും ഭവനനിർമ്മാണത്തിനുംകൂടി പരമാവധി 10 ലക്ഷം രൂപയുടെ സഹായം ലഭിക്കും. സ്ഥലത്തിൻറെ വില, രജിസ്ട്രേഷൻ ഫീ, സ്റ്റാമ്പ് ഡ്യൂട്ടി, എഴുത്തു കൂലി എന്നിവ ഉൾപ്പെടെ ആറ് ലക്ഷം രൂപയും ഭവന നിർമാണത്തിനായി നാല് ലക്ഷം രൂപയും അടക്കം പരമാവധി 10 ലക്ഷം രൂപയാണ് അനുവദിക്കുന്നത്. ഗുണഭോക്താക്കൾ നിലവിലുള്ള കെട്ടിടം സ്വന്തം നിലയിൽ പൊളിച്ച് മാറ്റേണ്ടതും വസ്തു റിലിങ്ക്വിഷ്  ചെയ്യേണ്ടതുമാണ് എന്നും ഉത്തരവിൽ പറയുന്നു.ഗുണഭോക്താക്കൾ പരിത്യജിച്ച ഭൂമിയിൽ സർക്കാർ അനുയോജ്യമായ മരങ്ങൾ വച്ചുപിടിപ്പിച്ച് ഹരിത കവചം ഉണ്ടാക്കും.

പുനരാലോചന വേണ്ടതെവിടെ ?

ഒറ്റനോട്ടത്തിൽ സ്വീകാര്യമായ പദ്ധതിയിൽ പുനരാലോചനകൾ ആവശ്യമാണ് എന്ന് പുനർ വായനയിൽ ബോധ്യമാകും.