കോട്ടയം: മാനുഷിക മൂല്യങ്ങളെ മുറുകെ പിടിച്ചുകൊണ്ടുള്ള മിഷനറി ദൗത്യം കാലിക പ്രസക്തമെന്ന് കോട്ടയം അതിരൂപത മെത്രാപ്പോലിത്ത മാര് മാത്യു മൂലക്കാട്ട്. കോട്ടയം അതിരൂപതയുടെ നേതൃത്വത്തില് മിഷന് പ്രവര്ത്തനങ്ങളില് വ്യാപൃതരായിരിക്കുന്ന ക്നാനായ സമുദായാംഗങ്ങളായ വൈദികരേയും സന്ന്യസ്തരെയും പങ്കെടുപ്പിച്ചുകൊണ്ട് തെള്ളകം ചൈതന്യയില് സംഘടിപ്പിച്ച മിഷനറി സംഗമത്തിന്റെ ഉദ്ഘാടനം നിര്വ്വഹിച്ച് സംസാരിക്കുകയായിരുന്നു അദ്ദേഹം. പ്രതികൂല സാഹചര്യങ്ങളില് തളരാതെ ഇച്ഛാശക്തിയോടുകൂടി ദൈവത്തില് ആശ്രയിച്ച് മുന്നേറുവാന് മിഷനറിമാര്ക്ക്് കഴിയണമെന്നും അദ്ദേഹം കൂട്ടിച്ചേര്ത്തു. കോട്ടയം അതിരൂപത സഹായ മെത്രാന് മാര് ജോസഫ് പണ്ടാരശ്ശേരില്, വികാരി ജനറാള്മാരായ റവ. ഫാ. തോമസ് ആനിമൂട്ടില്, റവ. ഫാ. മൈക്കിള് വെട്ടിക്കാട്ട്, കോട്ടയം അതിരൂപത പാസ്റ്ററല് കോര്ഡിനേറ്റര് റവ. ഡോ. മാത്യു മണക്കാട്ട്, ചൈതന്യ പാസ്റ്ററല് സെന്റര് ഡയറക്ടര് ഫാ. സുനില് പെരുമാനൂര് എന്നിവര് സംഗമത്തില് പങ്കെടുത്തു. സംഗമത്തോടനുബന്ധിച്ച് നടത്തപ്പെട്ട വിശുദ്ധ കുര്ബ്ബാനയ്ക്ക് മാര് മാത്യു മൂലക്കാട്ട് മുഖ്യകാര്മ്മികത്വം വഹിച്ചു. തുടര്ന്ന് മിഷനറിമാരുടെ അനുഭവം പങ്കുവയ്ക്കലും വീഡിയോ പ്രസന്റേഷന്സും ചര്ച്ചകളും ആക്ഷന്പ്ലാന് രൂപീകരണവും മിഷനറിമാരെ ആദരിക്കലും നടത്തപ്പെട്ടു. നൂറോളം വൈദിക സന്ന്യസ്ത മിഷനറിമാര് സംഗമത്തില് പങ്കെടുത്തു.
ഫോട്ടോ : കോട്ടയം അതിരൂപത മിഷനറി സംഗമത്തിന്റെ ഉദ്ഘാടനം തെള്ളകം ചൈതന്യയില് അതിരൂപത മെത്രാപ്പോലിത്ത മാര് മാത്യു മൂലക്കാട്ട് നിര്വ്വഹിക്കുന്നു.
ഫാ. സുനില് പെരുമാനൂര്
ഡയറക്ടര്
ഫോണ്: 9495538063
Comments