ഏതാനും ആഴ്ചകള്‍ അടിയന്തരമായി അടച്ചുപൂട്ടുന്നത് ഇന്ത്യയിലെ പ്രക്ഷേപണ ചക്രം അവസാനിപ്പിക്കും

ഏതാനും ആഴ്ചകള്‍ അടിയന്തരമായി പൂട്ടിയിടാന്‍ ഇന്ത്യ തയ്യാറാകുന്നപക്ഷം, രാജ്യത്തെ അനിയന്ത്രിത കോവിഡ് വ്യാപനത്തിനു വിരാമം വരുമെന്ന് അമേരിക്കയിലെ വൈറോളജി വിദഗ്ധന്‍ ഡോ.അന്തോണി ഫൗചി. 'വളരെ പ്രയാസകരവും നിരാശാജനകവുമായ' ഇപ്പോഴത്തെ  അവസ്ഥയില്‍ നിന്ന് നിര്‍ണായകമായ 'അടിയന്തിര, ഇടത്തരം, ദീര്‍ഘദൂര' നടപടികള്‍ കൈക്കൊള്ളാന്‍ പൂട്ടിയിടലിലൂടെ ഫലപ്രദമായ ഒരു ജാലകം തുറന്നുകിട്ടുമെന്ന് ബിഡെന്‍ അഡ്മിനിസ്‌ട്രേഷന്റെ ചീഫ് മെഡിക്കല്‍ ഉപദേഷ്ടാവായ അദ്ദേഹം ഇന്ത്യന്‍ എക്‌സ്പ്രസിന് നല്‍കിയ അഭിമുഖത്തില്‍ പറഞ്ഞു.

'വളരെ ബുദ്ധിമുട്ടുള്ളതും നിരാശജനകവുമായ ഈ അവസ്ഥയില്‍ നിര്‍ണായകമായ ചില ഇടത്തരം-ദീര്‍ഘ നടപടികള്‍ കൈക്കൊള്ളുന്നത് ഒരു പുതിയ ജാലകം തുറക്കാനിടയാക്കുമെന്ന്  ഇന്ത്യന്‍ എക്‌സ്പ്രസിന് നല്‍കിയ അഭിമുഖത്തില്‍ ബൈഡന്‍ ഭരണകൂടത്തിന്റെ മുഖ്യ ആരോഗ്യ ഉപദേഷ്ടാവ് കൂടിയായ ഡോ.ഫൗചി പറഞ്ഞു. ഏഴ് യുഎസ് പ്രസിഡന്റുമാരുടെ കീഴില്‍ സേവനമനുഷ്ഠിച്ചിട്ടുണ്ട് കോവിഡിന്റെ ഏറ്റവും വിശ്വസനീയമായ ആഗോള ശബ്ദങ്ങളിലൊന്നായ ഡോ.ഫൗചി. 'ഒരു രാജ്യവും സ്വയം പൂട്ടിയിടാന്‍ ഇഷ്ടപ്പെടുന്നില്ല, എന്നാല്‍ ഏതാനും ആഴ്ചകള്‍ അടിയന്തരമായി അടച്ചുപൂട്ടുന്നത് ഇന്ത്യയിലെ പ്രക്ഷേപണ ചക്രം അവസാനിപ്പിക്കും'.

ഇപ്പോള്‍ ചെയ്യേണ്ട കാര്യം ഉടന്‍ ചെയ്യണം. രണ്ടാഴ്ചയ്ക്കുള്ളില്‍ ചെയ്യാന്‍ കഴിയുന്ന കാര്യം എന്താണെന്ന് പിന്നീട് നോക്കാം. രോഗ വ്യാപനം തടയാന്‍ ചെയ്യാനാകുന്ന കാര്യങ്ങള്‍ വ്യത്യസ്ത ഘട്ടങ്ങളിലായി പരിശോധിക്കേണ്ടതുണ്ടെന്നും ഡോ.ഫൗചി  വ്യക്തമാക്കി. താന്‍ ഒരു രാഷ്ട്രീയ വ്യക്തി അല്ലാത്തതിനാല്‍ ഇന്ത്യ എങ്ങനെ സാഹചര്യം കൈകാര്യം ചെയ്തു എന്നതിനെക്കുറിച്ചുള്ള ഏതെങ്കിലും തരത്തിലുള്ള വിമര്‍ശനങ്ങളില്‍ ഏര്‍പ്പെടാന്‍ തനിക്കാവില്ല.അതേസമയം, പൊതുജനാരോഗ്യ വ്യക്തിയെന്ന നിലയില്‍ ഇന്ത്യയിലെ കോവിഡ് പ്രതിസന്ധി വ്യക്തമാക്കി സിഎന്‍എന്നില്‍ കാണിച്ച വീഡിയോ ക്ലിപ്പ് കണ്ട് വിഷമം തോന്നി.

വളരെ നിരാശാജനകമാണ് ഇന്ത്യയിലെ സാഹചര്യങ്ങള്‍. ഇതു പോലെ ഒരു സാഹചര്യമുണ്ടാകുമ്പോള്‍ ഉടന്‍ നടപടിയാണ് വേണ്ടത്. പ്രതിസന്ധിയെ ഇന്ത്യ ഒന്നിച്ച് നേരിടാന്‍  തയ്യാറാകുമോ എന്നറിയില്ല. തെരുവില്‍ അമ്മമാരും അച്ഛന്‍മാരും സഹോദരങ്ങളും ഓക്‌സിജന് വേണ്ടി അലയുന്നത് നാം കണ്ടു. കേന്ദ്ര തലത്തില്‍ ഒരു ആസൂത്രണവും സംഘാടനവും ഇല്ലെന്ന് ജനങ്ങള്‍ കരുതുക സ്വാഭാവികം-ഡോ.ഫൗചി പറഞ്ഞു.

ആളുകള്‍ക്ക് വാക്‌സിനേഷന്‍ നല്‍കുന്നത് തീര്‍ച്ചയായും ചെയ്യേണ്ടതാണ്.അത് അത്യന്താപേക്ഷിതമാണ്.പക്ഷേ, ഓക്‌സിജന്‍ ആവശ്യമുള്ള, ആശുപത്രിയില്‍ പ്രവേശനം ആവശ്യമുള്ള, വൈദ്യസഹായം ആവശ്യമുള്ളവരുടെ കാര്യത്തിലാണ് ഏറ്റവും അടിയന്ത ശ്രദ്ധ വേണ്ടത്. ആളുകളെ പരിപാലിക്കുന്നതിന് മുന്‍ഗണന നല്‍കണം. ഓക്‌സിജന്‍ എങ്ങനെ ലഭ്യമാക്കാമെന്ന് ഒരു പദ്ധതി തയ്യാറാക്കാന്‍ എന്തെങ്കിലും കമ്മീഷനോ ഗ്രൂപ്പോ രൂപീകരിക്കേണ്ടതുണ്ട്. എങ്ങനെ ഓക്‌സിജന്‍ ലഭിക്കും, എങ്ങനെ മരുന്നുകള്‍ ലഭിക്കുമെന്ന് അന്വേഷിക്കേണ്ടതുണ്ട്. ലോകാരോഗ്യ സംഘടനയുടെ സഹായത്തോടെ മറ്റു രാജ്യങ്ങളെ സമീപിക്കാനാവുമെന്നും ഡോ. ഫൗചി ചൂണ്ടിക്കാട്ടി.

അമേരിക്കയില്‍ നിന്ന് ഇന്ത്യക്കു മെഡിക്കല്‍ സഹായങ്ങള്‍ ലഭ്യമാക്കിയിട്ടുണ്ട്. മരുന്നുകള്‍, ഓക്‌സിജന്‍, പിപിഇ കിറ്റ്, വെന്റിലേറ്ററുകള്‍ എന്നിവ നല്‍കാനുള്ള പ്രതിജ്ഞാബദ്ധത അമേരിക്ക പുറത്തെടുത്തു. മുമ്പത്തെ പ്രതിസന്ധികളില്‍ മറ്റ് രാജ്യങ്ങളെ സഹായിക്കുന്നതില്‍ ഇന്ത്യ വളരെ മാന്യത പുലര്‍ത്തിയതിനാല്‍ ഇപ്പോള്‍ ഇന്ത്യയെ സഹായിക്കുന്നതിന് മറ്റ് രാജ്യങ്ങളെയും പ്രേരിപ്പിക്കേണ്ടതുണ്ട്. ഇന്ത്യയ്ക്കുള്ള അടിയന്തര പ്രശ്നം പരിഹരിക്കാന്‍ മറ്റ് രാജ്യങ്ങള്‍ ശ്രമിക്കേണ്ട സമയമാണിത്. അതാണ് ആദ്യത്തെ കാര്യം.

ചൈനക്കാര്‍ ഗുരുതര പ്രതിസന്ധി നേരിട്ടപ്പോള്‍ അക്ഷരാര്‍ത്ഥത്തില്‍, ഏതാനും ദിവസങ്ങള്‍ മുതല്‍ ആഴ്ചകള്‍ക്കുള്ളില്‍ ആശുപത്രി യൂണിറ്റുകള്‍ നിര്‍മ്മിച്ചു. എല്ലാവരെയും അത്ഭുതപ്പെടുത്തിയ ഒരു നേട്ടമായിരുന്നു അത്. ഇന്ത്യയും അതു മാതൃകയാക്കണം. പ്രതിരോധ കുത്തിവയ്പ്പു നടത്താന്‍ അമേരിക്ക സൈനിക വിഭാഗത്തെ ഉപയോഗിച്ചു.സൈന്യത്തിന്റെ സേവനം ഇക്കാര്യത്തില്‍ ഇന്ത്യക്കും ഉപയോഗിക്കാവുന്നതാണ്.തുപോലെ നിങ്ങള്‍ക്ക് ഉടന്‍ സൈനിക സഹായം ലഭിക്കും.തീര്‍ച്ചയായും കൂടുതല്‍ ആളുകള്‍ക്ക് വാക്‌സിനേഷന്‍ നല്‍കണം.

ഒരു വര്‍ഷം മുമ്പ് ചൈനയില്‍ വൈറസ് വ്യാപനം അതിതീവ്രമായിരുന്നപ്പോള്‍ രാജ്യം ദീര്‍ഗ്ഘകാലത്തേക്ക് പൂര്‍ണ്ണമായും അടച്ചുപൂട്ടി എന്ന് നമുക്കറിയാം. ആറു മാസത്തേക്കൊന്നും അടച്ചുപൂട്ടാന്‍ ഇന്ത്യ തയ്യാറാകേണ്ടല്ല.പക്ഷ്, പ്രക്ഷേപണ ചക്രം അവസാനിപ്പിക്കാന്‍ ് താല്‍ക്കാലികമായി ഷട്ട്ഡൗണ്‍ ചെയ്യാം. അങ്ങനെ ചെയ്യുന്നതിലൂടെ നിങ്ങള്‍ക്ക് വ്യാപനം കുറയ്ക്കാനാകും. രാജ്യം പൂട്ടിയിടാന്‍ ആരും ഇഷ്ടപ്പെടുന്നില്ല. നിങ്ങള്‍ ഇത് ആറുമാസത്തേക്ക് ചെയ്യുമ്പോള്‍ വലിയ പ്രശ്നമാകും. ഏതാനും ആഴ്ചകളിലേക്കാണെങ്കില്‍, പൊട്ടിത്തെറിയുടെ ചലനാത്മകതയെ നിങ്ങള്‍ക്ക് കാര്യമായി കുറയ്ക്കാം.

അമേരിക്കയില്‍ ജനങ്ങള്‍ക്ക് പ്രതിരോധ കുത്തിവയ്പ്പ് നല്‍കുന്നതിന് ഞങ്ങള്‍ കഠിനാധ്വാനം ചെയ്യുന്നു. 100 ദശലക്ഷം ആളുകള്‍ക്ക് പൂര്‍ണ്ണമായി പ്രതിരോധ കുത്തിവയ്പ് നല്‍കിയിട്ടുണ്ട്. ജനസംഖ്യയുടെ മൂന്നിലൊന്നില്‍ കൂടുതല്‍ വരുമിത്. രാജ്യത്തെ 50% ല്‍ കൂടുതല്‍ ആളുകള്‍ക്ക് ഒരു ഡോസെങ്കിലും ലഭിച്ചു.മുതിര്‍ന്ന ജനങ്ങളില്‍ 65% പൂര്‍ണമായും പ്രതിരോധ കുത്തിവയ്പ് എടുത്തിട്ടുണ്ട്.
അതിനാല്‍ ദുര്‍ബലരായ ആളുകളുടെ കോവിഡ് മരണനിരക്ക് നാടകീയമായി കുറഞ്ഞു.

എന്നാല്‍ മാസങ്ങള്‍ക്കുമുമ്പ് അമേരിക്കയിലും വളരെ മോശമായിരുന്നു ഈ രംഗത്തെ പ്രവര്‍ത്തനം. ഞങ്ങള്‍ക്ക് പ്രതിദിനം 300,000 പുതിയ കേസുകള്‍ ഉണ്ടായിരുന്നു.പ്രതിദിനം 4000 വരെ മരണങ്ങള്‍ ഉണ്ടായിരുന്നു. എല്ലാം പഴങ്കഥയാവുകയാണവിടെ.ഞങ്ങള്‍ ചെയ്യുന്നത് ശാസ്ത്രത്തെ അടിസ്ഥാനമാക്കിയുള്ളതാണെന്ന്  പറയാന്‍ കഴിയും. തന്റെ നയം എല്ലായ്‌പ്പോഴും ശാസ്ത്രം, തെളിവുകള്‍, ഡാറ്റ എന്നിവ അടിസ്ഥാനമാക്കിയുള്ളതായിരിക്കുമെന്ന് പ്രസിഡന്റ് ബിഡന്‍ വാഗ്ദാനം ചെയ്തു. അതാണ് ഞങ്ങള്‍ ചെയ്തത്. വാക്‌സിനുകള്‍ വിതരണം ചെയ്യുന്നതിലെ അസാധാരണ മികവാണ് അദ്ദേഹത്തിന്റെ ആദ്യ ദിവസങ്ങളിലെ മികച്ച വിജയങ്ങളിലൊന്ന്.

ലോകം മുഴുവന്‍ ഇന്ത്യയോട് ഐക്യദാര്‍ഢ്യം പുലര്‍ത്തുന്നുണ്ടെന്നത് ഉറപ്പാണ്. ഇന്ത്യ വളരെയധികം കഷ്ടപ്പെടുന്നതു കണ്ട് ഞങ്ങള്‍ വളരെ വേദനിക്കുന്നു.കൂടുതല്‍ സഹായിക്കേണ്ടതുണ്ട്. ഇന്ത്യയിലെ ജനങ്ങളോട്,എനിക്കു പറയാനുള്ളത് ഇതാണ്- ഒരുമിച്ച് നില്‍ക്കുക. സെനറ്റ് ഹിയറിംഗില്‍ ഞാന്‍ പറഞ്ഞതുപോലെ, ഈ ദുസ്ഥിതി അവസാനിക്കും. നാം സാധാരണ നിലയിലെത്തും. ഇപ്പോള്‍ കഷ്ടപ്പാടുകളുണ്ട്. പക്ഷേ സാധാരണ നിലയിലേക്ക് കാര്യങ്ങള്‍ വരുമെന്ന് ഞാന്‍ ഉറപ്പ് നല്‍കുന്നു. സംയമനം കൈവിടാതിരിക്കുക, അന്യോന്യം സഹായിക്കുക, പരസ്പരം ശ്രദ്ധിക്കുക. കാര്യങ്ങള്‍ സാധാരണ നിലയിലാകും.

ബാബു കദളിക്കാട്