കോട്ടയം അതിരൂപതയുടെ യുവജന സംഘടനയായ ക്‌നാനായ കാത്തലിക് യൂത്ത് ലീഗ് പാലത്തുരുത്ത് യൂണിറ്റിന്റെ നേതൃത്വത്തിൽ പാലത്തുരുത്ത് സെന്റ് തെരേസാസ്  ക്‌നാനായ കത്തോലിക്കാ പാരിഷ് ഹാളിൽ സമുദായ സംഘടനകളുടെ സംഗമവും യുവജനദിനാഘോഷവും സംഘടിപ്പിച്ചു.  കെ.സി.വൈ.എൽ യൂണിറ്റു പ്രസിഡന്റ് കിഷോർ ഷൈജിയുടെ അദ്ധ്യക്ഷതയിൽ ചേർന്ന  സമ്മേളനം കോട്ടയം അതിരൂപത വികാരി ജനറാൾ റവ. ഫാ. മൈക്കിൾ വെട്ടിക്കാട്ട് ഉദ്ഘാടനം ചെയ്തു  യൂണിറ്റു ചാപ്ലെയിൻ ഫാ. ഫിൽമോൻ കളത്ര, കെ.സി.സി യൂണിറ്റ് പ്രസിഡന്റ് ഷൈജി ഓട്ടപ്പള്ളിൽ, കെ.സി.ഡബ്ല്യു.എ യൂണിറ്റ് പ്രസിഡന്റ് ബിൻസി വിനോദ് ചാമക്കാല തുടങ്ങിയവർ പ്രസംഗിച്ചു.  പുരാതനപ്പാട്ടുകളിലെ ക്‌നാനായ തനിമ എന്ന വിഷയത്തിൽ പ്രൊഫ. അനിൽ സ്റ്റീഫൻ, സിസ്റ്റർ ഭാഗ്യ എസ്.വി.എം എന്നിവർ ക്ലാസ്സ് നയിച്ചു.സമുദായ സംഘടനകളായ ക്‌നാനായ കത്തോലിക്കാ കോൺഗ്രസ്സ്, ക്‌നാനായ കാത്തലിക് വിമെൻസ് അസോസിയേഷൻ, ക്‌നാനായ കാത്തലിക് യൂത്ത് ലീഗ് എന്നിവയിലെ അംഗങ്ങൾ പങ്കെടുത്തു. വിവിധ കലാപരിപാടികളും സമ്മേളനത്തോടനുബന്ധിച്ച് നടത്തപ്പെട്ടു.  

 ക്‌നാനായ കാത്തോലിക് യൂത്ത് ലീഗിന്റെ നേതൃത്വത്തിൽ പാലത്തുരുത്തു സംഘടിപ്പിച്ച സമുദായ സംഘടനകളുടെ സംഗമവും യുവജനദിനാഘോഷവും കോട്ടയം അതിരൂപതാ വികാരി ജനറാൾ ഫാ. മൈക്കിൾ വെട്ടിക്കാട്ട് ഉദ്ഘാടനം ചെയ്യുന്നു.