സിനഡിനായി പ്രാർത്ഥിക്കണേ:  ഫ്രാൻസിസ് പാപ്പാ

ഉടൻ വരാനിരിക്കുന്ന സിനഡിന്റെ പ്രവർത്തനങ്ങൾ നല്ല രീതിയിൽ മുന്നോട്ട് പോകുവാൻവേണ്ടി ഫ്രാൻസിസ് പാപ്പാ എല്ലാവരുടെയും പ്രാർത്ഥന അഭ്യർത്ഥിച്ചു.

ഒക്ടോബർ 9-ന് ആരംഭിക്കുവാൻ പോകുന്ന സിനഡിൽ നടക്കുന്ന വിചിന്തനങ്ങളും പരസ്പരആശയവിനിമയങ്ങളും, നാമെല്ലാവരും, എല്ലാവരെയും ഒരുപോലെ ശ്രവിച്ച്, ഒരുമിച്ചു സഞ്ചരിക്കുന്ന ദൈവജനം ആയിരിക്കുന്നതിലുള്ള സന്തോഷം വീണ്ടും തിരിച്ചറിയുവാൻ നമ്മെ സഹായിക്കാട്ടെ എന്ന് ഫ്രാൻസിസ് പാപ്പാ ഒക്ടോബർ ആറാംതീയതി ട്വിറ്ററിൽ കുറിച്ചു.

ഒരുമിച്ച് പ്രാർത്ഥിക്കാം (#PrayTogether) സിനഡ് (#Synod) ശ്രവിക്കുന്ന സഭ (#ListeningChurch) എന്നീ ഹാഷ്ടാഗുകളോടുകൂടിയാണ് പാപ്പാ തന്റെ കൂടുതൽ ഒരുമയും തുറവുള്ളതുമായ ഒരു സഭയെക്കുറിച്ചുള്ള തന്റെ ചിന്ത പങ്കുവച്ചത്.