കോട്ടയം: അതിരൂപതയുടെ അല്‍മായ സംഘടനയായ ക്‌നാനായ കത്തോലിക്കാ കോണ്‍ഗ്രസ്സിൻ്റെ 85-ാം ജന്മദിനാഘോഷങ്ങളും പ്രതിനിധി സംഗമവും ചൈതന്യയില്‍ സംഘടിപ്പിച്ചു. കെ.സി.സി പ്രസിഡൻ് ബാബു പറമ്പടത്തുമലയിലിൻ്റെ അദ്ധ്യക്ഷതയില്‍ ചേര്‍ന്ന യോഗം കോട്ടയം അതിരൂപതാ വികാരി ജനറാളും കെ.സി.സി ചാപ്ലെയിനുമായ ഫാ. മൈക്കിള്‍ വെട്ടിക്കാട്ട് ഉദ്ഘാടനം ചെയ്തു.  കെ.സി.സി രൂപതാ വൈസ്പ്രസിഡൻ് ടോം കരികുളം,  ജോയിന്റ് സെക്രട്ടറി എം.സി. കുര്യാക്കോസ്, എ.ഐ.സി.യു പ്രതിനിധി ബിനു ചെങ്ങളം,  കേരള സംസ്ഥാന ന്യൂനപക്ഷ വികസന ധനകാര്യ കോര്‍പ്പറേഷന്‍ ചെയര്‍മാന്‍ സ്റ്റീഫന്‍ ജോര്‍ജ് എക്‌സ്.എം.എല്‍.എ എന്നിവര്‍ പ്രസംഗിച്ചു.  1938 മെയ് 24 ന് കൈപ്പുഴയിലാണ് ക്‌നാനായ കത്തോലിക്കാ കോണ്‍ഗ്രസ്സിന് തുടക്കം കുറിച്ചത്.