കൊച്ചിയിൽ മറൈൻ എൻജിനീയറിങ് പരിശീലനം

 

ഇന്ത്യയിലെയും വിദേശത്തെയും വാണിജ്യക്കപ്പലുകളിൽ മറൈൻ എൻജിനീയറായി ജോലി ലഭിക്കാൻ അവസരമൊരുക്കുന്ന 12 മാസത്തെ ജിഎംഇ (ഗ്രാറ്റ് മറൈൻ എൻജിനീയറിങ്) കോഴ്സിന് അപേക്ഷ ക്ഷണിച്ചു.  കേന്ദ്ര സർക്കാർ നിയന്ത്രണത്തിലുള്ള സ്ഥാപനമായ കൊച്ചിൻ ഷിപ്പിയാർഡ് ആണ് , കോഴ്സ് നടത്തുന്നത്. ഓഗസ്റ്റ് 15 വരെ അപേക്ഷ സ്വീകരിക്കുന്നതാണ്.

 

കോഴ്സിന് ആകെ 114 സീറ്റുണ്ട്. ഏതെങ്കിലും ഷിപ്പിങ് കമ്പനി സ്പോൺസർ ചെയ്തോ അല്ലാതെയോ പ്രവേശനം നേടാവുന്നതാണ്. ഈ വർഷത്തെ ക്ലാസുകൾ സെപ്റ്റംബർ ഒന്നിനു തുടങ്ങും. 

 

ആർക്കൊക്കെ അപേക്ഷിക്കാം

അപേക്ഷകർ,50% മാർക്കോടെ മെക്കാനിക്കൽ/നേവൽ ആർക്കിടെക്ചർ/മറൈൻ എൻജിനീയറിങ് എന്നീ എഞ്ചിനീയറിംഗ് ബിരുദങ്ങളിലൊന്ന് നേടിയിരിക്കണം. അപേക്ഷകരുടെ പ്രായം 28 വയസ്സിൽ താഴെയും ഉയരം ചുരുങ്ങിയത്,157 സെന്റിമീറ്ററും അതിന് ആനുപാതികമായ ഉയരവും തൂക്കവും നെഞ്ചളവും വേണം. ഇതു കൂടാതെ അപേക്ഷകർക്ക്,പത്തിലോ പന്ത്രണ്ടിലോ ഇംഗ്ലിഷിന് ചുരുങ്ങിയത് 50% മാർക്കും വേണം.

 

കൂടുതൽ വിവരങ്ങൾക്കും അപേക്ഷാ മാതൃകക്കും

www.cslmeti.in

 

ഡോ. ഡെയ്സൻ പാണേങ്ങാടൻ

daisonpanengadan@gmail.com