ഫാ.ജോർജ് ഇലഞ്ഞിക്കൽ നിര്യാതനായി
 
കോട്ടപ്പുറം രൂപതയിലെ സീനിയർ വൈദീകൻ ഫാ.ജോർജ് ഇലഞ്ഞിക്കൽ (80)  നിര്യാതനായി. 2016 മുതൽ വിശ്രമജീവിതം നയിക്കുകയായിരുന്നു. കോട്ടപ്പുറം രൂപത ചാൻസലർ ,  രൂപത ആലോചന സമിതി അംഗം, എറണാകുളം ഐഎസ്  പ്രസ് മാനേജർ , കാക്കനാട് സെന്റ് മൈക്കിൾസ് , പോണേൽ സെൻറ് ഫ്രാൻസിസ് സേവ്യർ , തുരുത്തൂർ സെന്റ് തോമസ് ,ഗോതുരുത്ത് സെന്റ് സെബാസ്റ്റ്യൻ, മതിലകം സെന്റ് ജോസഫ് , കോട്ടപ്പുറം സെന്റ് മൈക്കിൾസ് കത്തീഡ്രൽ , പള്ളിപ്പുറം മഞ്ഞുമാത, കൂട്ടുകാട് ലിറ്റിൽ ഫ്ലവർ ,ചെറുവൈപ്പ് അമലോത്ഭവമാത , പുല്ലൂറ്റ് സെന്റ് ആന്റണീസ്  ഇടവകകളിൽ വികാരിയായും കൂനമ്മാവ് സെൻറ് ഫിലോമിനാസ് ,തൈക്കൂടം സെൻറ് റാഫേൽസ് പള്ളികളിൽ സഹ വികാരിയായും സേവനം ചെയ്തിട്ടുണ്ട്.
 
 ചാപ്പാറ സെൻറ് ആൻറണീസ് ഇടവകയിൽ പരേതരായ ഇലഞ്ഞിക്കൽ ലേനീസ് - ഫിലോമിന ദമ്പതികളുടെ മകനായി 1941 ഫെബ്രുവരി 9 ന് ജനിച്ചു. എറണാകുളം സെന്റ് ജോസഫ്സ് മൈനർ സെമിനാരിയിലും ആലുവ കാർമൽഗിരി മംഗലപ്പുഴ സെമിനാരികളിലുമായി വൈദീക പരിശീലനം പൂർത്തിയാക്കി. 1968 ഡിസംബർ 19-ന് മംഗലപ്പുഴ സെമിനാരിയിൽ  വരാപ്പുഴ ആർച്ച്ബിഷപ്പ് ഡോ. ജോസഫ് അട്ടിപ്പേറ്റിയിൽ നിന്ന് പൗരോഹിത്യം സ്വീകരിച്ചു.