മുഴുവൻ സമർപ്പിതർക്കും വേണ്ടിയുള്ള NIRMALA MEDIA TSR എന്ന യൂട്യൂബ് ചാനലിന്റെ  സംഗീതദൃശ്യാവിഷ്‌കാരം ദൈവവിളി ക്യാമ്പുകളിൽ ശ്രദ്ധേയമായ ആലാപനം ആയിമാറി. സി. ലിസ്മി  സിഎംസി രചിച്ച് എഡിറ്റ് ചെയ്ത്  അവതരിപ്പിച്ചിരിക്കുന്ന 'വിശുദ്ധമീ  സന്യാസചൈതന്യം നേടിടാൻ' എന്ന് ആരംഭിക്കുന്ന ഗാനമാണ് ഇപ്പോൾ നിരവധി പേരെ ആകർഷിക്കുന്നത്. ആലാപനം ഫാ. വിൽസൺ മേച്ചേരിൽ എം സി ബി എസ്, സംഗീതവും ഓർക്കസ്‌ട്രേഷനും  ഷെർദിൻ തോമസ്. സമർപ്പിതരെ വിമർശിക്കുകയും ഇകഴ്ത്തിപ്പറയുകയും ചെയ്യുന്ന സമൂഹ മാധ്യമങ്ങളിൽ ഇപ്പോൾ മുഴങ്ങിക്കേൾക്കുന്നത്, എന്താണ് സന്യാസവും സമർപ്പണവുമെന്ന ദൈവീകചിന്തകൾ ചിറകേറ്റി വരുന്ന ഈ ഗാനം തന്നെ.