കൊച്ചി. ചെറുപുഷ്പ മിഷൻലീഗ് കേരള സംസ്ഥാന   കലോത്സവം 'സർഗ്ഗദീപ്തി 24 '  നവംബർ 09 ശനിയാഴ്ച രാവിലെ 9.00 മുതൽ പാലക്കാട് മുണ്ടൂർ യുവക്ഷേത്രകോളേജിൽ വെച്ച് നടക്കും. കേരളത്തിലെ വിവിധ രൂപതകളിൽ നിന്നും എത്തുന്ന ആയിരത്തോളം മത്സരാർത്ഥികൾ സംസ്ഥാന മത്സരത്തിൽ പങ്കെടുക്കും. പാലക്കാട് രൂപത ആതിഥേയത്വം വഹിക്കുന്ന പ്രേഷിത കലാമേള  പാലക്കാട് രൂപതയുടെ മുൻ മെത്രാൻ മാർ ജേക്കബ് മാന ത്തോടത്ത്  ഉദ്ഘാടനം ചെയ്യും. പ്രസംഗം, സംഗീതം,  ബൈബിൾ പാരായണം, ബൈബിൾ ക്വിസ്, എന്നീ ഇനങ്ങളിൽ സബ്ജൂനിയർ, ജൂനിയർ, സീനിയർ, സൂപ്പർ സീനിയർ വിഭാഗങ്ങളിലായി ഏഴ് സ്റ്റേജുകളിൽ മത്സരം നടക്കും. മത്സരാനന്തരം നടത്തുന്ന സംസ്ഥാനവാർഷികസമ്മേളനത്തിൽ വച്ച് പാലക്കാട് രൂപതാ മെത്രാൻ അഭിവന്ദ്യ  മാർ പീറ്റർ കൊച്ചുപുരക്കൽ പിതാവ് വിജയികൾക്ക് ട്രോഫിയും സമ്മാനങ്ങളും വിതരണം ചെയ്യും. കലോത്സവ ഒരുക്കങ്ങൾ പൂർത്തിയായതായി സംസ്ഥാന ഡയറക്ടർ ഫാ. ഷിജു ഐക്കരക്കാനായിൽ, പ്രസിഡന്റ് രഞ്ജിത്ത് മുതുകാട്ടിൽ, സെക്രട്ടറി ജെയ്സൺ പുളിച്ചു മാക്കൽ, ജനറൽ ഓർഗനൈസർ തോമസ് അടുപ്പുകല്ലുങ്കൽ, ബെന്നി മുത്തനാട്ട്, ബേബി പ്ലാശ്ശേരി എന്നിവർ അറിയിച്ചു.