ഡോ. ഡെയ്‌സന്‍ പാണേങ്ങാടന്‍,

കേരളത്തില്‍ ബാച്ച്ലര്‍ ഓഫ് ഡിസൈന്‍

കേരളത്തിലെ സര്‍ക്കാര്‍ മേഖല യാലും സ്വാശ്രയ മേഖലയിലുമുള്ള കോളേജുകളിലെ അടുത്ത അധ്യയന വര്‍ഷത്തെ ബാച്ച്ലര്‍ ഓഫ് ഡിസൈന്‍(ബി.ഡെസ്.) പ്രവേശനത്തിന് ഇപ്പോള്‍ ഓണ്‍ലൈന്‍ അപേക്ഷ സമര്‍പ്പിക്കാം. ഓണ്‍ലൈന്‍ അപേക്ഷ സമര്‍പ്പണത്തിന് ജൂണ്‍ 27 വരെ സമയമുണ്ട്.ജൂലായ് 9ന് സംസ്ഥാനത്തെ വിവിധ കേന്ദ്രങ്ങളില്‍
പ്രവേശനപരീക്ഷ നടത്തും. തിരുവനന്തപുരം, കൊല്ലം, കോട്ടയം, എറണാകുളം, കോഴിക്കോട് ജില്ലകളില്‍ പരീക്ഷാ കേന്ദ്രങ്ങളുണ്ട്.

എല്‍.ബി.എസ്. നാണ്, പ്രവേശന പരീക്ഷാ ചുമതല. പൊതുവിഭാഗത്തില്‍ പെടുന്നവര്‍ക്ക് 1200 രൂപയും സംവരണ വിഭാഗത്തില്‍ പെടുന്നവര്‍ക്ക് 600 രൂപയുമാണ് അപേക്ഷാ ഫീസ്. അപേക്ഷ സമര്‍പ്പണ സമയത്ത്, അനുബന്ധരേഖകള്‍ അപ്ലോഡ് ചെയ്യേണ്ടതുണ്ട്.

അടിസ്ഥാന യോഗ്യത
അപേക്ഷകരുടെ അടിസ്ഥാന യോഗ്യതാ പ്ലസ്ടുവോ തത്തുല്യ  യോഗ്യതാ പരീക്ഷയോ ആണ്. യോഗ്യതാ പരീക്ഷയില്‍ കുറഞ്ഞത് 45 ശതമാനം മാര്‍ക്ക് ലഭിച്ചിരിക്കണം. എന്നാല്‍ സംവരണ വിഭാഗക്കാര്‍ക്ക്  40 ശതമാനം മാര്‍ക്ക് മതി.

അപേക്ഷാ സമര്‍പ്പണത്തിന്
www.lbscentre.kerala.gov.in 

ഫോണ്‍
0471-2560327