ഡോ. ഡെയ്‌സന്‍ പാണേങ്ങാടന്‍,
ഇതുവരെ പ്ലസ് വണ്‍ പ്രവേശനവുമായി ബന്ധപ്പെട്ട് അലോട്ട്‌മെന്റ് ലഭിക്കാത്തവര്‍ക്കും അപേക്ഷ സമര്‍പ്പിക്കാന്‍ കഴിയാതിരുന്നവര്‍ക്കുമായുള്ള സപ്ലിമെന്ററി അലോട്ട്‌മെന്റിന്  സെപ്റ്റംബര്‍ 1 മുതല്‍ അപേക്ഷിക്കാവുന്നതാണ്. ഇതിനു മുന്നോടിയായി ,സപ്ലിമെന്ററി അലോട്ട്‌മെന്റിനുള്ള വേക്കന്‍സിയും മറ്റു വിവരങ്ങളും സെപ്റ്റംബര്‍ 1 ന് രാവിലെ തന്നെ വെബ്‌സൈറ്റില്‍ പ്രസിദ്ധീകരിക്കുന്നതാണ് . 

നിലവില്‍ ഏതെങ്കിലും ക്വാട്ടയില്‍ പ്രവേശനം നേടിക്കഴിഞ്ഞ വിദ്യാര്‍ഥികള്‍ക്കും മുഖ്യഘട്ടത്തില്‍ അലോട്ട്‌മെന്റ് ലഭിച്ചിട്ട് പ്രവേശനത്തിന് സ്‌കൂളില്‍ ഹാജരാകാത്തവര്‍ക്കും ഏതെങ്കിലും ക്വാട്ടയില്‍ പ്രവേശനം നേടിയ ശേഷം റ്റി.സി  വാങ്ങി പോയവര്‍ക്കും സപ്ലിമെന്ററി അലോട്ട്‌മെന്റിന് അപേക്ഷിക്കുവാന്‍ പറ്റില്ല . തെറ്റായ വിവരങ്ങള്‍ അപേക്ഷയില്‍ ഉള്‍പ്പെട്ടതിനാല്‍ അലോട്ട്‌മെന്റ് ലഭിച്ചിട്ടും പ്രവേശനം നിരാകരിക്കപ്പെട്ടവര്‍ക്കും സപ്ലിമെന്ററി അലോട്ട്‌മെന്റില്‍ അപേക്ഷ പുതുക്കാവുന്നതാണ്. 
 
കൂടുതല്‍ വിവരങ്ങള്‍ക്ക് 
https://hscap.kerala.gov.in/