അഫ്ഗാനിസ്ഥാനും ഹെയ്തിക്കും വേണ്ടി പ്രാർത്ഥിക്കൂ:  ഫ്രാൻസിസ് പാപ്പ

വത്തിക്കാൻ സിറ്റി : അഫ്ഗാനിസ്ഥാനിലെ സംഭവ വികാസങ്ങളിൽ ഫ്രാൻസിസ് പാപ്പ ഉത്കണ്ഠ  രേഖപ്പെടുത്തി. ആ രാജ്യത്തിനും ജനങ്ങൾക്കും  വേണ്ടി പ്രാർത്ഥിക്കുവാൻ വിശ്വാസികളെ പാപ്പ   ആഹ്വാനം ചെയ്‌തു . പരിശുദ്ധ മാതാവിന്റെ  സ്വർഗാരോപണ ദിനത്തിൽ 'കർത്താവിന്റെ മാലാഖ'  ചൊല്ലിയതിനുശേഷം  വിശ്വാസികളെ അഭിസംബോധന ചെയ്യുകയായിരുന്നു മാർപാപ്പ.
    
ആയുധങ്ങളേന്തിയുള്ള ആക്രോശം അവസാനിപ്പിച്ച ശേഷം പ്രശ്‌നങ്ങൾ ചർച്ച ചെയ്തു പരിഹരിക്കാൻ എല്ലാവരും പ്രാർത്ഥിക്കണം - പാപ്പ പറഞ്ഞു.    
    
ഭൂകമ്പം മൂലം നിരവധി പേർ കൊല്ലപ്പെട്ട ഹെയ്തി രാജ്യത്തോട്  പാപ്പ ഐക്യദാർഢ്യം  പ്രഖ്യാപിച്ചു. കഴിഞ്ഞ ദിവസം രാത്രിയാണ് ഭൂകമ്പമുണ്ടായത്. ഭൂകമ്പത്തിൽ ആകെ തകർന്ന  ഹെയ്തിയുടെ  പുനർ നിർമ്മാണ പ്രവർത്തനങ്ങളുമായി സഹകരിക്കാൻ പാപ്പ എല്ലാവരോടും അഭ്യർത്ഥിച്ചു.