കു‍ഞ്ഞുങ്ങളുടെ ക്ഷേമം, നാമെല്ലാവരുടെയും ദൗത്യം, പാപ്പാ

കിശോരത്തൊഴില്‍ വിരുദ്ധ ദിനത്തില്‍ പാപ്പായുടെ ട്വിറ്റര്‍ സന്ദേശം.

ജോയി കരിവേലി, വത്തിക്കാന്‍ സിറ്റി

പൈതങ്ങളാണ് നരകുടുംബത്തിന്‍റെ ഭാവിയെന്ന് മാര്‍പ്പാപ്പാ.

അനുവര്‍ഷം ജൂണ്‍ 12-ന് ബാലവേലവിരുദ്ധ അന്താരാഷ്ട്ര ദിനം ഐക്യരാഷ്ട്രസഭയുടെ ആഭിമുഖ്യത്തില്‍ ആചരിക്കുന്നതിനോടനുബന്ധിച്ച് ഫ്രാന്‍സീസ് പാപ്പാ “കിശോരത്തൊഴില്‍രഹിതദിനം” (#NoChildLabourDay) എന്ന ഹാഷ്ടാഗോടുകൂടി ശനിയാഴ്ച (12/06/21) കണ്ണിചേര്‍ത്ത ട്വിറ്റര്‍ സന്ദേശത്തിലാണ് ഇതു ചൂണ്ടിക്കാട്ടിയിരിക്കുന്നത്.

“കുട്ടികളാണ് മാനവകുടുംബത്തിന്‍റെ ഭാവി: അവരുടെ വളർച്ച, ആരോഗ്യം, മനഃശാന്തി എന്നിവ പരിപോഷിപ്പിക്കുകയെന്നത് നാമെല്ലാവരുടെയും കടമയാണ്” എന്നാണ് പാപ്പാ ട്വിറ്ററില്‍ കുറിച്ചത്.

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍ ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: I Bambini sono il futuro della famiglia umana: a tutti noi spetta il compito di favorirne la crescita, la salute e la serenità!  #NoChildLabourDay

EN: Children are the future of the human family: all of us are expected to promote their growth, health and tranquility. #NoChildLabourDay