മഴയും മഞ്ഞും യു.എസിൽ. കാർ മറിഞ്ഞു
മലയാളി കന്യാസ്ത്രീ മരിച്ചു
കിളിയന്തറ (കണ്ണൂര്‍) : യുഎസിലെ കനക്ടിക്കട്ടില്‍ കാറപകടത്തില്‍ മലയാളി കന്യാസ്ത്രീ മരിച്ചു. 2 കന്യാസ്ത്രീകൾക്ക് പരുക്കേറ്റു. ദിവ്യകാരുണ്യ ആരാധനാ സന്യാസിനീ സമൂഹത്തിലെ സെന്റ്‌. ജോസഫ്സ്‌ അഡോറേഷന്‍ പ്രൊവിന്‍സ്‌ അംഗം കാസര്‍കോട്‌ ബദിയടുക്ക സ്വദേശിനി സിസ്റ്റര്‍ അനില പുത്തന്‍തറ (40) ആണു; മരിച്ചത്‌. കാറില്‍ ഒപ്പം ഉണ്ടായിരുന്ന സിസ്റ്റര്‍ ബ്രിജിറ്റ് പുലക്കുടിയില്‍, സിസ്റ്റര്‍ ലയോണ്‍സ്‌ മണിമല എന്നിവര്‍ സാരമായ പരുക്കുകളോടെ രക്ഷപ്പെട്ടു. യുഎസിലെ സെന്റ്‌ ജോസഫ്സ്‌ ലിവിര നഴ്സിങ്‌ ഹോമില്‍ സേവനമനുഷ്ഠിക്കുന്ന സിസ്റ്റര്‍ അനിലയും മറ്റുള്ളവരും ജോലിസ്ഥലത്തേക്കുള്ള യാത്രാമധ്യേ തിങ്കളാഴ്ച രാവിലെ (ഇന്ത്യന്‍ സമയം: 9.30) ആണ്‌ അപകടം ഉണ്ടായത്‌. ഇവര്‍ സഞ്ചരിച്ച കാര്‍ ശക്തമായ മഴയും മഞ്ഞും മൂലം റോഡില്‍ നിന്നു തെന്നി മാറി മറ്റൊരു കാറുമായി കൂട്ടിയിടിക്കുകയായിരുന്നു.
Comments