തി​രു​വ​ന​ന്ത​പു​രം: മുന്നാക്കക്കാർക്ക് സാമ്പത്തിക സംവരണം ഏർപ്പെടുത്തിയതിന്റെ പിന്നാലെ, ക്രി​സ്ത്യ​ൻ നാ​ടാ​ർ വി​ഭാ​ഗ​ത്തെ സം​വ​ര​ണ പ​ട്ടി​ക​യി​ൽ ഉ​ൾ​പ്പെ​ടു​ത്തി ഇ​ന്നു ചേ​ർ​ന്ന മ​ന്ത്രി​സ​ഭാ യോ​ഗ​ത്തിൽ  നി​ർ​ണാ​യ​ക തീ​രു​മാ​നം. സം​വ​ര​ണം ല​ഭ്യ​മ​ല്ലാ​ത്ത നാ​ടാ​ർ വി​ഭാ​ഗ​ക്കാ​രെ സം​സ്ഥാ​ന ഒ​ബി​സി വി​ഭാ​ഗ​ത്തി​ൽ ഉ​ൾ​പ്പെ​ടു​ത്തി സം​വ​ര​ണം ന​ൽ​കാ​നാ​ണ് തീ​രു​മാ​നം.

നി​ല​വി​ൽ ഹി​ന്ദു നാ​ടാ​ർ, എ​സ്ഐ​യു​സി നാ​ടാ​ർ വി​ഭാ​ഗ​ക്കാ​ർ​ക്കാ​ണ് സം​വ​ര​ണ​മു​ള്ള​ത്. ഒ​ബി​സി വി​ഭാ​ഗ​ത്തി​ന് നി​ല​വി​ൽ മൂ​ന്നു​ശ​ത​മാ​നം സം​വ​ര​ണ​മാ​ണു​ള്ള​ത്. സം​വ​ര​ണ​മി​ല്ലാ​ത്ത നാ​ടാ​ർ വി​ഭാ​ഗ​വും അ​വ​രു​ൾ​പ്പെ​ടു​ന്ന വി​വി​ധ മ​ത​നേ​തൃ​ത്വ​വും ദീ​ർ​ഘ​കാ​ല​മാ​യി ഈ​യാ​വ​ശ്യം ഉ​ന്ന​യി​ച്ചി​രു​ന്നു. 

വിവിധ ക്രിസ്ത്യൻ സഭകളിലും മതവിഭാഗങ്ങളിലും ഉൾപ്പെടുന്ന സംവരണേതര നാടാർ വിഭാഗക്കാർക്കാണ് പുതുതായി സംവരണം ലഭിക്കുക. ഒ.ബി.സി. വിഭാഗത്തിന് നിലവിൽ മൂന്നുശതമാനം സംവരണമാണുള്ളത്. ഒ.ബി.സി. പട്ടികയിൽ നിലവിൽ 78 ജാതി/മത വിഭാഗക്കാരുണ്ട്. ഇക്കൂട്ടത്തിലേക്കായിരിക്കും ഇവരെ ഉൾപ്പെടുത്തുക. സംവരണത്തിന് ഒ.ബി.സി. പട്ടികയിൽ വരുന്നവരെ ഒറ്റവിഭാഗമായാണ് പരിഗണിക്കുക.

മുൻ യു.ഡി.എഫ്. സർക്കാർ സംവരണമില്ലാത്ത നാടാർ വിഭാഗങ്ങൾക്കും സംവരണം നൽകാൻ ആലോചിച്ചിരുന്നു. എന്നാൽ, സംവരണാനുകൂല്യം അനുഭവിക്കുന്ന വിഭാഗങ്ങളിൽനിന്നുള്ള 
എതിർപ്പിനെത്തുടർന്ന് അവസാനനിമിഷം പിന്മാറി. മതംമാറ്റത്തിലൂടെ സാമൂഹിക പദവി ഉയർന്നവർക്ക് സംവരണം നൽകരുതെന്നായിരുന്നു മറുവിഭാഗത്തിന്റെ ആവശ്യം. 

ക്രൈസ്തവ ന്യൂനപക്ഷ വിഭാഗക്കാരുടെ പ്രശ്നങ്ങൾ പഠിക്കാൻ ജസ്റ്റിസ് ജെ.ബി. കോശി കമ്മിഷനെ നിയോഗിക്കാനും കഴിഞ്ഞ മന്ത്രിസഭാ യോഗം തീരുമാനിച്ചു.