കുട്ടികളിലെ മൊബൈൽ-ഇന്റർനെറ്റ് അടിമത്തം:അധികമായാൽ അമൃതും വിഷം

ജോബി ബേബി,നഴ്സ്‌,കുവൈറ്റ്

കോ​വി​ഡ് കാ​ല​ത്ത് പ​ഠ​നം ഓ​ൺ​ലൈ​നി​ലാ​യ​പ്പോ​ൾ കു​ട്ടി​ക​ൾ വി​വ​ര​സാ​ങ്കേ​തി​ക​വി​ദ്യ​യു​ടെ ഭാ​ഗ​മാ​വു​ന്നു എ​ന്ന​താ​യി​രു​ന്നു പ്ര​ധാ​ന നേ​ട്ട​മാ​യി ക​ണ്ടി​രു​ന്ന​ത്.എ​ന്നാ​ൽ,കു​ട​ത്തി​ൽ​നി​ന്നു തു​റ​ന്നു​വി​ട്ട ഭൂ​ത​ത്തെ എ​ങ്ങ​നെ അ​ട​ക്കി​യി​രു​ത്തും എ​ന്ന​റി​യാ​തെ വ​ല​യു​ക​യാ​ണ് മാ​താ​പി​താ​ക്ക​ൾ.മൊ​ബൈ​ൽ ഫോ​ണി​ന് അ​ടി​പ്പെ​ട്ട ഒ​രു ത​ല​മു​റ​യാ​ണ് വ​ള​ർ​ന്നു​വ​രു​ന്ന​ത്.അ​വ​രെ എ​ങ്ങ​നെ കൈ​കാ​ര്യം ചെ​യ്യ​ണ​മെ​ന്ന​റി​യി​ല്ല മാ​താ​പി​താ​ക്ക​ൾ​ക്ക്.അ​വ​സാ​ന​മാ​യി മൊ​ബൈ​ൽ ഫോ​ണിന്‍റെ കൈവിട്ട ഉ​പ​േ​യാ​ഗം തൃ​ശൂ​രി​ലും ആ​റ്റി​ങ്ങ​ലി​ലും 14 കാ​ര​ാ​യ ര​ണ്ടു കു​ട്ടി​ക​ളു​ടെ ജീ​വ​ൻ​കൂ​ടി എ​ടു​ത്തു.കഴിഞ്ഞ ദിവസം പ്രസിദ്ധീകരിച്ച ആത്മഹത്യാ വാർത്തകളിൽ ഇത് ഏറെ പ്രാധാന്യം അർഹിക്കുന്നു. അതിൽ ചേർത്തിരിക്കുന്ന ചിത്രങ്ങളെ ഓരോ രക്ഷിതാവും കാണുന്നത് സ്വന്തം മക​ന്റെയും മകളുടെയും രൂപങ്ങളായാണ്.ആ വാർത്തയിൽ പറയുന്ന കാര്യങ്ങളാവ​ട്ടെ ചെറിയ ചെറിയ വ്യത്യാസങ്ങളോടെ ഒട്ടുമിക്ക വീടുകളിലും നിത്യം അരങ്ങേറുന്നതും.പഠനത്തിന്റെ  അനിവാര്യോപാധിയായി സാങ്കേതികവിദ്യയും ഇൻറർനെറ്റും മാറിയ സാഹചര്യത്തിൽ കൗമാര മാനസികാവസ്ഥയും ഓൺലൈൻ ഉപയോഗവും തമ്മിലെ ആരോഗ്യകരമായ പാരസ്പര്യത്തിന്റെ  മാർഗനിർദേശ തത്ത്വങ്ങൾ അടിയന്തരമായി വികസിപ്പിക്കേണ്ടിയിരിക്കുന്നു.കാരണം, ദീർഘസമയം വിഡിയോ ഗെയിം ഉൾ‍പ്പെടെ ഓൺലൈനിൽ ചെലവഴിക്കുന്ന കുട്ടികളിൽ ആത്മഹത്യാ പ്രവണത, ആത്മാരാധന തുടങ്ങിയ പ്രവണതകൾ ശക്തമാ​െണന്ന് പറയുന്നത് ലോകപ്രസിദ്ധരായ മനഃശാസ്ത്ര കൂട്ടായ്മകളാണ്.രണ്ടു മണിക്കൂറിലധികം സമയം സ്ക്രീനിൽ തുടർച്ചയായി ചെലവഴിക്കുന്ന കുട്ടികളിൽ വിഷാദം, ഉത്കണ്ഠ, ശ്രദ്ധക്കുറവ്, പെരുമാറ്റപ്രശ്നങ്ങൾ എന്നിവ വ്യാപകമാ​ണെന്നും അവർ വ്യക്തമാക്കുന്നു.12 മുതൽ 18 വയസ്സുവരെയുള്ള കൗമാരക്കാർ ആത്മഹത്യ ഒരു പോംവഴിയായി തിരഞ്ഞെടുക്കുന്നുവെന്ന് കണ്ടെത്തിയത് നമ്മുടെ സംസ്ഥാനത്തെ ശിശുക്ഷേമ വകുപ്പിന്റെ പഠനമാണ്.ഇ​ത്ത​രം അ​പ​ക​ട​ങ്ങ​ളി​ൽ​നി​ന്ന് ന​മ്മു​ടെ കു​ട്ടി​ക​ളെ എ​ങ്ങ​നെ ര​ക്ഷി​ക്കാം എന്ന് ചർച്ച ചെയ്‌യേണ്ടത് അനിവാര്യമാണ്.

2020ലെ ദേശീയ ക്രൈം റിപ്പോർട്ട് (NCRB) പ്രകാരം നമ്മുടെ രാജ്യത്ത് ഒരോ ദിവസവും ആത്മഹത്യ ചെയ്യുന്നത് മുപ്പതിലധികം കുട്ടികളാണ്.നാലു വർഷമായി അവരുടെ എണ്ണം വർധിച്ചുകൊണ്ടിരിക്കുന്നുവെന്നത് നമ്മെ പേടിപ്പിക്കുകയും ചെയ്യുന്നു.കേരളത്തിലെ കണക്കുകളും ഒട്ടും ആശാവഹമല്ല.കഴിഞ്ഞ അഞ്ചു വർഷത്തിനിടയിലെ ഏറ്റവും കൂടുതൽ ശൈശവ ആത്മഹത്യ നടന്ന വർഷമാണ് 2020- 324 പേർ.ഈ വർഷം ഏപ്രിൽ വരെ സ്വയംഹത്യയിലേക്ക്​ നടന്നുകയറിയ കൗമാരക്കാർ 53. ജീവിതം എന്തെന്നറിയുന്നതിനുമു​മ്പേ ആയുസ്സറുത്തുമാറ്റാൻ അവരെ പ്രേരിപ്പിക്കുന്ന ഘടകങ്ങളിൽ പരീക്ഷപ്പേടി മുതൽ പലതരം മാനസിക,ശാരീരിക പീഡകൾ വരെ നിരവധി കാരണങ്ങളുണ്ടെന്ന്​ ശൈശവ മനഃശാസ്ത്ര വിദഗ്​ധർ വ്യക്തമാക്കുന്നു.അതിൽ, കുട്ടികളെ ആത്മഹത്യാമുനമ്പിലേക്കു നയിക്കുന്നതിൽ സമീപകാലത്ത് പ്രത്യക്ഷവും പരോക്ഷവുമായ പ്രധാന വില്ലനാവുകയാണ് ഇൻറർനെറ്റ് അഡിക്​ഷൻ. സംസ്ഥാന വനിത-ശിശു വികസന വകുപ്പ് 2020 ജനുവരി മുതൽ ജൂലൈ വരെ നടത്തിയ പഠനത്തിൽ 17 വയസ്സിനു താഴെയുള്ള 158 കുട്ടികളിലെ 12 പേരുടെയും ആത്മഹത്യയുടെ കാരണം മൊബൈൽ ഗെയിം/ഇൻറർനെറ്റ് ആസക്തിയാണെന്ന്​ കണ്ടെത്തിയിരുന്നു. മറ്റു കാരണങ്ങളായി എണ്ണിയ രക്ഷിതാക്കളുടെ ശാസന, മാനസിക-ശാരീരിക പീഡനങ്ങളും പ്രശ്നങ്ങളും, പരീക്ഷത്തോൽവിയും പേടിയും തുടങ്ങിയവയിലും മൊബൈൽ ഒരു കൂട്ടുപ്രതിയായുണ്ട്.

കോവിഡാനന്തരം മഹാഭൂരിപക്ഷം കുട്ടികളും അധിക സമയവും ചെലവിടുന്നത് മൊബൈലിനോടൊപ്പമാണ്. ഈ മഹാമാരിക്കാലത്ത് രാജ്യത്ത് 90 ശതമാനത്തിലധികം കുട്ടികളും ഓൺലൈനിൽ വിദ്യാഭ്യാസം ലഭിക്കാനായ ഏക സംസ്ഥാനമാണ് കേരളമെന്ന ഏറ്റവും പുതിയ വാർഷിക വിദ്യാഭ്യാസ സർവേ റിപ്പോർട്ട് (ASER 2021) നമുക്ക് ഏറെ അഭിമാനകരമാണ്. സാങ്കേതികവിദ്യയും െനറ്റ് കണക്​ടിവിറ്റിയും ഗ്രാമഗ്രാമാന്തരങ്ങളിൽ എത്തിക്കാനായി എന്നതിന്റെ  നിദർശനവുമാണ്.ജീവിതവ്യവഹാരങ്ങളിൽനിന്ന് അഴിച്ചുമാറ്റാനാവാത്ത ഡിജിറ്റൽ വിദ്യകളോടൊത്ത് കുട്ടികൾ വളരുന്നുവെന്നത് പുതുലോകത്തേക്ക് ആവേശത്തോടെയും ആത്മവിശ്വാസത്തോടെയും പ്രവേശിക്കാൻ അവരെ പ്രാപ്തരാക്കുകയും ചെയ്യുന്നുണ്ട്. സാങ്കേതികവിദ്യകളെയും ഓൺലൈൻ ലോകത്തെയും നിഷേധിച്ചുകൊണ്ട് പുതിയ തലമുറകളെ വളർത്തുകയെന്നത് അസാധ്യമാണ്; അക്ഷന്തവ്യമായ തെറ്റുമാണ്. എന്നാൽ, കൃത്യമായ നിയന്ത്രണങ്ങളും മാർഗനിർദേശങ്ങളുമില്ലെങ്കിൽ ഇൻറർനെറ്റിന് അടിമപ്പെട്ട് മാനസികവും പെരുമാറ്റപരവുമായ വൈകല്യങ്ങളുള്ള വലിയ തലമുറ വളർന്നുവരാൻ അത് കാരണമായേക്കും.

കു​ട്ടി​ക​ളെ പ​ഴ​യ ചി​ട്ട​യി​ലേ​ക്ക് മ​ട​ക്കി​ക്കൊ​ണ്ടു​വ​രാം

മാ​റി​യ സാ​ഹ​ച​ര്യ​ങ്ങ​ളാ​ണ് കു​ട്ടി​ക​ളെ മൊ​ബൈ​ൽ ഫോ​ണി​ന്​ അ​ടി​മ​ക​ളാ​ക്കി​യ​​​ത്.നേ​ര​ത്തെ സ്കൂ​ളി​ൽ പോ​യി​രു​ന്ന​പ്പോ​ൾ കു​ട്ടി​ക​ൾ​ക്ക് അ​ടു​ക്കും ചി​ട്ട​യു​മു​ള്ള ജീ​വി​ത​മു​ണ്ടാ​യി​രു​ന്നു.പ​ഠ​നം ഓ​ൺ​ലൈ​ൻ പ്ലാ​റ്റ്ഫോ​മി​ലാ​യ​തോ​ടെ എ​ല്ലാം മാ​റി​മ​റി​ഞ്ഞു.ഫോ​ൺ ഉ​പ​യോ​ഗ​ത്തെ കു​റി​ച്ചു ചോ​ദി​ച്ചാ​ൽ കു​ട്ടി​ക​ൾ മി​ക്ക​പ്പോ​ഴും കാ​ര​ണ​മാ​യി പ​റ​യു​ന്ന​ത് ''ബോ​റ​ടി​ക്കു​ന്നു. ഞാ​ൻ വേ​റെ​ന്തു​ചെ​യ്യാ​നാ'' എ​ന്നാ​യി​രി​ക്കും. കു​ട്ടി​ക​ളെ ആ ​പ​ഴ​യ ചി​ട്ട​യി​ലേ​ക്ക് തി​രി​ച്ചു ​കൊണ്ടു​വ​രു​ക എ​ന്ന​താ​ണ് ആ​ദ്യ​ത്തെ കാ​ര്യം.അ​തി​നാ​യി കു​ട്ടി​ക​ളു​ടെ ദി​വ​സം ഷെ​ഡ്യൂ​ൾ ചെ​യ്യു​ക. പ​തി​യെ​പ്പ​തി​യെ ചി​ട്ട​യി​ലേ​ക്ക് കൊ​ണ്ടു​വ​ര​ണം.

കു​ട്ടി​ക​ളു​ടെ കൂ​ടി ഇ​ഷ്​​ടം നോ​ക്കി അ​വ​രു​ടെ ഓ​രോ ദി​വ​സ​ത്തെ​യും ചി​ട്ട​ക​ൾ ആ​സൂ​ത്ര​ണം ചെ​യ്തു​ന​ൽ​ക​ണം. ഫോ​ൺ ഉ​പ​യോ​ഗി​ക്കാ​ൻ പ്ര​ത്യേ​ക സ​മ​യം അ​നു​വ​ദി​ക്കു​ക. ഇ​തി​നെ​ല്ലാം മാ​താ​പി​താ​ക്ക​ളു​ടെ പി​ന്തു​ണ വേ​ണം.
 ആ​ഴ്ച​യി​ൽ ഒ​രു ദി​വ​സം മാ​താ​പി​താ​ക്ക​ള​ട​ക്കം ഫോ​ൺ മാ​റ്റി​വെ​ക്ക​ണം. കു​ട്ടി​ക​ളു​മാ​യി ഗു​ണ​പ്ര​ദ​മാ​യ രീ​തി​യി​ൽ സ​മ​യം ചെ​ല​വ​ഴി​ക്ക​ണം. ചെ​റി​യ കു​ട്ടി​ക​ൾ​ക്ക് ഏ​റ്റ​വു​മി​ഷ്​​ടം മാ​താ​പി​താ​ക്ക​ളു​മാ​യി ക​ളി​ക്കു​ന്ന​തും യാ​ത്ര പോ​കു​ന്ന​തു​മൊ​ക്കെ​യാ​ണ്. ജോ​ലി​ക്കാ​രാ​യ മാ​താ​പി​താ​ക്ക​ൾ​ക്ക് അ​ത് സാ​ധ്യ​മാ​ക​ണ​മെ​ന്നി​ല്ല. എ​ങ്കി​ലും പ​രി​ശ്ര​മി​ക്ക​ണം. ദി​വ​സം അ​ര​മ​ണി​ക്കൂ​റെ​ങ്കി​ലും കു​ട്ടി​ക​ൾ​ക്കാ​യി മാ​റ്റി​വെ​ക്ക​ണം. കു​ട്ടി​ക​ളു​മാ​യി സൗ​ഹൃ​ദ​ത്തി​ലാ​യാ​ൽ അ​വ​രെ സ്വാ​ധീ​നി​ക്കാ​നും അ​നു​സ​രി​പ്പി​ക്കാ​നും എ​ളു​പ്പ​ത്തി​ൽ ക​ഴി​യും. 
പാ​ര​ൻ​റ​ൽ ക​ൺ​ട്രോ​ൾ പോ​ലു​ള്ള ആ​പ്പു​ക​ൾ ഉ​പ​യോ​ഗി​ച്ച് കു​ട്ടി​ക​ളു​ടെ മെ​യി​ലു​മാ​യി ക​ണ​ക്​​ട് ചെ​യ്താ​ൽ അ​വ​രു​ടെ പ്ര​വ​ർ​ത്ത​ന​ങ്ങ​ൾ അ​റി​യാ​നാ​കും. എ​ത്ര സ​മ​യം ഉ​പ​യോ​ഗി​ക്കു​ന്നു എ​ന്ന​റി​യാം. കു​ട്ടി​ക​ളുടെ വ​യ​സ്സ്​ സെ​റ്റ് ചെ​യ്താ​ൽ അ​തി​ന​പ്പു​റ​ത്തേ​ക്കു​ള്ള ആ​പ്പു​ക​ളൊ​ന്നും കു​ട്ടി​ക​ൾ​ക്ക് ല​ഭ്യ​മാ​കി​ല്ല.
 കു​ട്ടി​ക​ളു​ടെ മൊ​ബൈ​ൽ ഫോ​ൺ മാ​റ്റി​വെ​ച്ച​തു​കൊ​ണ്ട് ഫ​ല​മി​ല്ല.അ​ത് ദോ​ഷം ചെ​യ്യു​മെ​ന്ന​തും ഓ​ർ​ക്ക​ണം.

മാ​താ​പി​താ​ക്ക​ൾ​ക്കും വേ​ണം കൗ​ൺ​സ​ലി​ങ്

കു​ട്ടി​ക​ൾ​ക്ക് മാ​ത്ര​മ​ല്ല, മാ​താ​പി​താ​ക്ക​ൾ​ക്കും കൗ​ൺ​സ​ലി​ങ് ന​ൽ​കേ​ണ്ട സാ​ഹ​ച​ര്യ​മാ​ണിപ്പോഴുള്ളത്.സ​മൂ​ഹ​ത്തി​ൽ ഇ​ങ്ങ​നെ​യൊ​ക്കെ ന​ട​ക്കു​ന്നു​ണ്ട് എ​ന്ന് അ​വ​രും തി​രി​ച്ച​റി​യ​ണം. പ​ല​പ്പോ​ഴും കു​ട്ടി​ക​ളു​ടെ മാ​താ​പി​താ​ക്ക​ളോ​ട് സം​സാ​രി​ക്കുമ്പോൾ ഞ​ങ്ങ​ളു​ടെ കു​ട്ടി​ക​ൾ​ക്ക് ഇ​തൊ​ന്നു​മ​റി​യി​ല്ല എ​ന്ന രീ​തി​യി​ലാ​ണ് അ​വ​രു​ടെ പ്ര​തി​ക​ര​ണം. ഇ​ന്ന് ഇ​ൻ​റ​ർ​നെ​റ്റ് നോ​ക്കാ​നും അ​വ​ർ​ക്കാ​വ​ശ്യ​മു​ള്ള​തു ക​ണ്ടെ​ത്താ​നും കു​ട്ടി​ക​ളെ ആ​രും പ​ഠി​പ്പി​ക്കേ​ണ്ട​തി​ല്ല.മൊ​ബൈ​ൽ ഫോ​ണോ ക​മ്പ്യൂ​ട്ട​റോ കി​ട്ടി​യാ​ൽ ആ​രും പ​റ​ഞ്ഞു​ന​ൽ​കാ​തെ ത​ന്നെ അ​വ​ർ ഉ​പ​യോ​ഗി​ക്കും. 

കു​ട്ടി​ക​ളു​ടെ മൊ​ബൈ​ൽ ഉ​പ​യോ​ഗം നി​രീ​ക്ഷി​ക്ക​ണം. എ​ന്നാ​ൽ, പെ​ട്ടെ​ന്നൊ​രു ദി​വ​സം ശ്ര​ദ്ധി​ക്കാ​ൻ തു​ട​ങ്ങി​യാ​ൽ അ​ത് വി​പ​രീ​ത ഫ​ല​മേ ഉ​ണ്ടാ​ക്കൂ. മൊ​ബൈ​ൽ ഉ​പ​യോ​ഗി​ക്കാ​ൻ തു​ട​ങ്ങുമ്പോഴേ  സ​മ​യ​നി​യ​ന്ത്ര​ണം വേ​ണം.അ​ത് ശീ​ല​മാ​ക്ക​ണം.
മു​തി​ർ​ന്ന​വ​രി​ൽ​പോ​ലും മൊ​ബൈ​ൽ ഫോ​ൺ അ​ഡി​ക്ഷ​ൻ ഉ​ണ്ട്.അ​മി​ത​മാ​യ മൊ​ബൈ​ൽ ഉ​പ​യോ​ഗം ഒ​രു കാ​ര​ണ​വ​ശാ​ലും പ്രോ​ത്സാ​ഹി​പ്പി​ക്ക​രു​ത്.
പ​ഠ​നാ​വ​ശ്യ​ത്തി​നു​ള്ള​താ​ണെ​ങ്കി​ൽ അ​തി​നു​ള്ള സം​വി​ധാ​നം മാ​ത്രം മൊ​ബൈ​ലി​ൽ മ​തി.വീ​ട്ടി​ൽ​നി​ന്നോ അ​ക്കൗ​ണ്ടി​ൽ​നി​ന്നോ പ​ണം ന​ഷ്​​ട​മാ​വു​ന്നു​ണ്ടെ​ങ്കി​ൽ ശ്ര​ദ്ധി​ക്ക​ണം. പ​ണ​ത്തിന്റെ മൂ​ല്യം അ​റി​യാ​തെ വ​ള​ർ​ത്തു​ന്ന​വ​രാ​ണ് പ​ണം ഉ​പ​യോ​ഗി​ച്ച് ക​ളി​ക്കാ​ൻ ത​യാ​റാ​വു​ന്ന​ത്. 

പ​ഠി​പ്പി​ക്ക​ണം സൈ​ബ​ർ സു​ര​ക്ഷ

സൈ​ബ​ർ സു​ര​ക്ഷയെ കുറിച്ച്​ പഠപ്പിക്കണം.കു​ട്ടി​ക​ൾ​ക്ക് പലപ്പോഴും വ​രും വ​രാ​യ്ക​ക​ൾ അ​റി​യി​ല്ല.അ​തു​കൊ​ണ്ടാ​ണ​ല്ലോ അ​വ​രെ കു​ട്ടി​ക​ൾ എ​ന്നു വി​ളി​ക്കു​ന്ന​ത്.ച​തി​ക്കു​ഴി​യി​ൽ ചാ​ടുമ്പോൾ മാ​ത്ര​മാ​ണ് തി​രി​ച്ച​റി​യു​ന്ന​ത്.

പ​ല​പ്പോ​ഴും ഇ​ൻ​സ്​​റ്റ​ഗ്രാം, ഫേ​സ്ബു​ക്​ വ​ഴി പ​രി​ച​യ​പ്പെ​ടു​ന്ന അ​പ​രി​ചി​ത​രാ​ണ് ച​തി​ക്കു​ഴി​ക​ളി​ലേ​ക്ക് എ​ത്തി​ക്കു​ന്ന​ത്.സാ​മ്പ​ത്തി​ക​മാ​യോ ശാ​രീ​രി​ക​മാ​യോ ചൂ​ഷ​ണ​ങ്ങ​ൾ അ​വ​രു​ടെ ഭാ​ഗ​ത്തു​നി​ന്നു​ണ്ടാ​വും. കു​ട്ടി​ക​ൾ ഇ​ത്ത​രം ബ​ന്ധ​ങ്ങ​ളി​ൽ ചെ​ന്നു​പെ​ടു​ന്നു​ണ്ടോ എ​ന്ന് ശ്ര​ദ്ധി​ക്ക​ണം. 
നേ​ര​ത്തെ സു​ര​ക്ഷി​ത​ ഡ്രൈ​വി​ങ്ങി​നെ കു​റി​ച്ചാ​ണ് ക്ലാ​സ് ന​യി​ച്ചിരു​ന്ന​ത്.അ​തു​വ​ഴി ഏ​റെ ആ​ളു​ക​ൾ​ക്ക് ഇ​പ്പോ​ൾ ഗ​താ​ഗ​ത നി​യ​മ​ങ്ങ​ളെ​ക്കു​റി​ച്ച് അ​റി​യാം.അ​തു​പോ​ലെ സൈ​ബ​ർ സു​ര​ക്ഷ​യെ​ക്കു​റി​ച്ച് അ​വ​ബോ​ധം ന​ൽ​ക​ണം.
മൊ​ബൈ​ലി​ൽ എ​ന്തൊ​ക്കെ ഉ​പ​യോ​ഗി​ക്കാം, ഉ​പ​യോ​ഗി​ക്ക​രു​ത് എ​ന്ന് കൃ​ത്യ​മാ​യി പ​റ​യ​ണം കു​ട്ടി​ക​ളോ​ട്. കു​ട്ടി​ക​ൾ ഗെ​യിം ക​ളി​ക്കു​ന്ന​ത് അ​റി​യാ​ൻ ബു​ദ്ധി​മു​ട്ടി​ല്ല. 
പ​ഠ​ന​സ​മ​യം ക​ഴി​ഞ്ഞും കു​ട്ടി​ക​ൾ മൊ​ബൈ​ലി​ലാ​ണെ​ങ്കി​ൽ അ​വ​രെ​ന്തു​ചെ​യ്യ​ണം എ​ന്ന് നി​രീ​ക്ഷി​ക്കേ​ണ്ട​ത് ര​ക്ഷി​താ​ക്ക​ളു​ടെ ക​ട​മ​യാ​ണ്. 
വീ​ടി​ന​ക​ത്ത് തു​റ​ന്ന സ്ഥ​ല​ത്ത് എ​ല്ലാ​വ​ർ​ക്കും കാ​ണു​ന്ന വി​ധ​ത്തി​ലാ​യി​രി​ക്ക​ണം കു​ട്ടി​ക​ൾ ഉ​പ​യോ​ഗി​ക്കു​ന്ന ക​മ്പ്യൂ​ട്ട​ർ സ്ഥാ​പി​ക്കേ​ണ്ട​ത്. 
മു​റി​യ​ട​ച്ചി​രു​ന്ന് മൊ​ബൈ​ൽ ഫോ​ൺ നോ​ക്കാ​ൻ അ​നു​വ​ദി​ക്ക​രു​ത്. കു​ട്ടി​ക​ളെ വ​ഴ​ക്കു​പ​റ​യാ​ൻ പോ​ലും ധൈ​ര്യ​മി​ല്ല ര​ക്ഷി​താ​ക്ക​ൾ​ക്ക്. 

സാങ്കേതികവിദ്യ ഉപയോഗിക്കുന്നതിനുള്ള അറിവ് ഗുണകരമായി നൽകുന്നതോടൊപ്പം അതുണ്ടാക്കുന്ന അപകടങ്ങൾ, സൈബർ നിയമങ്ങൾ തുടങ്ങിയവ നമ്മുടെ കരിക്കുലങ്ങളിൽ ഉൾപ്പെടുത്തേണ്ട സമയം ആസന്നമായിരിക്കുന്നു.ശരീരത്തിനും മനസ്സിനും തെറ്റായി ബാധിക്കാത്ത രീതിയിൽ ഡിജിറ്റൽ പഠനത്തെ ക്രമീകരിക്കുകയും ചെയ്യേണ്ടതുണ്ട്. സ്കൂളുകളിലെ കൗൺസലിങ് സംവിധാനങ്ങൾ കുട്ടികളുടെ 'മാറ്റ'ങ്ങളെ പെ​ട്ടെന്ന് തിരിച്ചറിയാൻ അധ്യാപകർക്കും രക്ഷിതാക്കൾക്കും ഏറെ ഉപകാരപ്പെടും.നിഷേധാത്മക കാർക്കശ്യങ്ങളേക്കാൾ പരസ്പരം മനസ്സിലാക്കിയുള്ള നിയന്ത്രണങ്ങളിലേക്ക് കുട്ടികളെ കൊണ്ടുവരാൻ രക്ഷിതാക്കളെയും പ്രാപ്തരാക്കേണ്ടതുണ്ട്. കൗമാരക്കാരെ തെറ്റായി സ്വാധീനിക്കാനിടവരുത്തുന്ന ഓൺലൈൻ കളികൾ, പണം പിടുങ്ങുന്ന ചൂതാട്ടങ്ങൾ തുടങ്ങിയവക്ക്​ കർശനമായ നിയന്ത്രണങ്ങൾ സർക്കാർ ഏർപ്പെടുത്തണം.ഓൺലൈൻ ചൂതാട്ട നിരോധനത്തിനായി നിയമ ഭേദഗതിയും ഓർഡിനൻസും പുറത്തിറക്കിയ കർണാടക, തമിഴ്നാട് മാതൃകകൾ ഇവിടെയും സ്വീകരിക്കാനാകുമോ എന്ന് പരിശോധിക്കാവുന്നതാണ്.ഭ്രമാത്മകമായ വെർച്വൽ ജീവിതത്തേക്കാൾ ആനന്ദകരവും ആഹ്ലാദകരവുമാണ് മനുഷ്യരടക്കമുള്ള സകല ജീവജാലങ്ങളുമായുള്ള ജീവിതമെന്ന സാമൂഹിക പാഠങ്ങളും, എല്ലാവരെയും സമഭാവനയോടെ ഉൾക്കൊള്ളാനും തീക്ഷ്​ണമായ ജീവിതയാഥാർഥ്യങ്ങളെ അഭിമുഖീകരിക്കാനും ശക്തി നൽകുന്ന ധാർമികമൂല്യങ്ങളും നമ്മുടെ കുട്ടികളിൽ സാങ്കേതിക ജ്ഞാനത്തോടൊപ്പം സന്നിവേശിപ്പിക്കാൻ കഴിയുമ്പോഴേ ഡിജിറ്റൽ തുരുത്തുകളിൽ കുരുങ്ങിപ്പോകുന്ന അവരെ ആത്യന്തികമായി പുറത്തുകടത്താനാകൂ.

(കുവൈറ്റിൽ നഴ്‌സായി ജോലി നോക്കുന്നു ലേഖകൻ).