കൊച്ചി:
ഗാന്ധിഭവൻ തിയറ്റർ ഇന്ത്യ അവതരിപ്പിച്ച പുതിയ മലയാള നാടകം “ഗാന്ധി” പി ഒ സി യിൽ പ്രദർശിപ്പിച്ചത്  പ്രേക്ഷക പ്രശംസ നേടുകയും ചെയ്തു. മഹാത്മാ ഗാന്ധിയുടെ ജീവിതദർശനവും സത്യ-അഹിംസാ സമരരീതികളും ആഴത്തിലുള്ള കലാസംവിധാനത്തോടെ അവതരിപ്പിക്കുന്ന ഈ നാടകം, സമൂഹത്തിന്റെ മനസാക്ഷിയെ ഉണർത്തുന്ന ഒരു ശക്തമായ സാംസ്കാരിക ഇടപെടലായി മാറിയിരിക്കുന്നു.

ഗവേഷണ സമ്പന്നമായ തിരക്കഥയും അനുഭൂതിപരമായ സംവിധാന മികവും ചേർന്ന “ഗാന്ധി”, ഗാന്ധിജിയുടെ ജീവിതത്തിലെ നിർണായക ഘട്ടങ്ങളെ പുതിയ തലമുറയ്ക്കായി പുതു വീക്ഷണത്തിൽ അവതരിപ്പിക്കുന്നു. കഥാപാത്രങ്ങളെ ജീവിക്കുന്നതുപോലെ രൂപപ്പെടുത്തിയെടുത്ത അഭിനേതാക്കളുടെ പ്രകടനം, നാടകത്തിന്റെ പ്രഭാവം കൂടുതൽ ശക്തമാക്കുന്നുവെന്ന് പ്രേക്ഷകർ അഭിപ്രായപ്പെട്ടു.

സമാധാനം, സത്യാന്വേഷണം, സാമൂഹ്യനീതി, മനുഷ്യ മഹത്വം എന്നീ മൂല്യങ്ങൾ വീണ്ടും പ്രസക്തമാകുന്ന ഇന്നത്തെ സാഹചര്യത്തിൽ, ഈ നാടകം ഒരു ചിന്താഗതിമാറ്റത്തിന്റെയും പ്രചോദനത്തിന്റെയും വേദിയായി വളർന്നു വരുന്നു. ഗാന്ധിഭവൻ തിയറ്റർ ഇന്ത്യയുടെ കലാസമർപ്പിത സംഘത്തിന്റെ ഏകോപിത പരിശ്രമവും സാങ്കേതിക മികവും വേറിട്ട് നിൽക്കുന്നു.

നാടകം സമൂഹബോധത്തിന്റെയും ഉത്തരവാദിത്തങ്ങളുടെയും ദിശയിൽ ശക്തമായ സന്ദേശം നൽകുന്നുവെന്നും, കലയുടെ മാധ്യമത്തിലൂടെ സമാധാനത്തിന്റെ ഗാന്ധീയ സിദ്ധാന്തങ്ങൾ പുതുതലമുറയിലേക്ക് എത്തിക്കുന്നതിൽ ഈ നാടകം വലിയ പങ്കുവഹിക്കുമെന്നും നാടകം കണ്ട ഡോ.അലക്സ് വടുക്കുംതല അഭിപ്രായപ്പെട്ടു