കൊച്ചിയിലെ സെൻട്രൽ ഇൻസ്റ്റിറ്റ്യൂട്ട് ഓഫ് ഫിഷറീസ് നോട്ടിക്കൽ ആൻഡ് എൻജിനീയറിങ് ട്രെയ്നിങ് (സിഫ്നെറ്റ്) 2021-22 വർഷത്തെ വിവിധ കോഴ്സുകളിലേക്ക് അപേക്ഷകൾ ക്ഷണിച്ചു.ബി.എഫ്.എസ്സി നോട്ടിക്കൽ സയൻസ്, വെസൽ നാവിഗേറ്റർ, മറൈൻ ഫിറ്റർ എന്നീ കോഴ്സുകളിലേയ്ക്കാണ്, പ്രവേശനം. പ്ലസ് ടു കാർക്ക് ഡിഗ്രി കോഴ്സിനും പത്താം ക്ലാസ്സുകാർക്ക്, ഡിപ്ലോമ കോഴ്സിനും അപേക്ഷിക്കാം. ഓൺലൈൻ അപേക്ഷ സമർപ്പിക്കേണ്ട അവസാന തീയതി, ജൂലൈ 15 ആണ്.
വിവിധ പ്രോഗ്രാമുകൾ
1.ബാച്ചിലർ ഓഫ് ഫിഷറീസ് സയൻസ് (BFSc)/നോട്ടിക്കൽ സയൻസ്
ബിരുദ കോഴ്സിൻ്റെ കാലാവുധി,
8 സെമസ്റ്ററുകളുള്ള 4 വർഷമാണ്. കൊച്ചിൻ യൂണിവേഴ്സിറ്റി ഓഫ് സയൻസ് & ടെക്നോളജിയുമായി അഫിലിയേറ്റ് ചെയ്ത് ഡയറക്ടർ ജനറൽ ഓഫ് ഷിപ്പിങ്ങിന്റെ അംഗീകാരത്തോടെയും യു.ജി.സിയുടെ അംഗീകാരത്തോടെയുമാണ്, കോഴ്സുകൾ ക്രമീകരിക്കുന്നത്.ആകെ സീറ്റുകൾ 45 ആണ്.
കോഴ്സിനു ചേരാനുള്ള യോഗ്യത, സയൻസ് സ്ട്രീമിലുള്ള പ്ലസ് ടുവാണ്.ഫിസിക്സ്, കെമിസ്ട്രി, ബയോളജി അല്ലെങ്കിൽ മാത്തമാറ്റിക്സ് വിഷയങ്ങൾക്ക് 50 ശതമാനം മാർക്കിൽ കുറയാതെ പ്ലസ്ടു/തത്തുല്യ ബോർഡ് പരീക്ഷ പാസായിരിക്കണം. ഇപ്പോൾ യോഗ്യത പരീക്ഷയുടെ ഫലം കാത്തിരിക്കുന്നവർക്കും അപേക്ഷിക്കാം. പ്രായപരിധി 17-20 വയസ്സ് വരെയായി പരിമിതപ്പെടുത്തിയിരികുന്നു. എന്നാൽ, ലാറ്ററൽ എൻട്രിക്കാർക്ക് 22 വയസ്സുവരെയാകാം.
2.വെസൽ നാവിഗേറ്റർ/മറൈൻ ഫിറ്റർ ഡിപ്ലോമ കോഴ്സ്
നാല് സെമസ്റ്ററുകളും രണ്ടുവർഷം ദൈർഘ്യമുള്ളതാണ് ഡിപ്ലോമ കോഴ്സ്. ന്യൂഡൽഹിയിലെ DGETയുടെ അനുമതിയോടെ നാഷണൽ കൗൺസിൽ ഫോർ വൊക്കേഷണൽ ട്രയിനിംഗ് (NCVT) ആയി അഫിലിയേറ്റ് ചെയ്താണ് കോഴ്സ് നടത്തുന്നത്. സിഫ്നെറ്റ് കൊച്ചിക്ക് പുറമെ ചെന്നൈയിലും വിശാഖപട്ടണത്തും ഈ കോഴ്സുകൾ ലഭ്യമാണ്. ഓരോ കോഴ്സിനും 20 സീറ്റുകൾ വീതമുണ്ട്. മാത്തമാറ്റിക്സ്, സയൻസ് വിഷയങ്ങളോടെ 40 ശതമാനം മാർക്കിൽ കുറയാതെ പത്താംക്ലാസ്/തത്തുല്യ ബോർഡ് പരീക്ഷ വിജയിച്ചവർക്ക് അപേക്ഷിക്കാം. പ്രായപരിധി 15 വയസ്സു മുതൽ 20 വയസ്സുവരെയാണ്. തെരഞ്ഞെടുക്കപ്പെടുന്നവർക്ക്
പ്രതിമാസം 1500 രൂപ സ്റ്റൈപ്പൻറ് ലഭിക്കുന്നതാണ്.
അപേക്ഷാരീതി
അപേക്ഷാഫോറവും പ്രോസ്പെക്ടസും താഴെ കാണുന്ന വെബ് സൈറ്റിൽ നിന്നും
www.cifnet.gov.in ഡൗൺലോഡ് ചെയ്ത് പൂരിപ്പിച്ചതിനു ശേഷം ഓഫീസിലേയ്ക്ക് തപാലായി അയച്ചു നൽകണം.
അപേക്ഷ അയക്കേണ്ട വിലാസം:
The Director, Central Institute of Fisheries Nautical and Engineering Training (CIFNET),
Fine Arts Avenue,
Kochi-682016
ഡോ. ഡെയ്സൻ പാണേങ്ങാടൻ,
അസി. പ്രഫസർ,
ഫിസിക്സ് ഡിപ്പാർട്ടുമെൻ്റ്,
സെൻ്റ്.തോമാസ് കോളേജ്, തൃശ്ശൂർ
Comments