ബി.ടെക്കുകാർക്ക് കരസേനയിൽ ലഫ്റ്റനന്റ് റാങ്കിൽ എൻജിനീയറാകാം 

 

ബി.ടെക്കുകാർക്ക് കരസേനയിൽ ലഫ്റ്റനന്റ് റാങ്കോടെ എൻജിനീയറാകാനവസരമുണ്ട്.  കരസേനയുടെ ഷോർട് സർവീസ് കമ്മിഷൻ (ടെക്‌) കോഴ്‌സിലേക്കും ഷോർട് സർവീസ് കമ്മിഷൻ (ടെക്‌) വിമൻ കോഴ്‌സിലേക്കും ഇപ്പോൾ അപേക്ഷിക്കാവസരമുള്ളത്. 194 ഒഴിവുകളാണുള്ളത്.ജൂലൈ 19 വരെയാണ് , ഉദ്യോ​ഗാർത്ഥികൾക്ക് അപേക്ഷിക്കാനവസരം.പുരുഷൻമാർക്കു 175 ഒഴിവും സ്ത്രീകൾക്ക് 19 ഒഴിവുമുണ്ട്. 

 

ആർക്കൊക്കെ അപേക്ഷിക്കാം

ബന്ധപ്പെട്ട വിഭാ​ഗങ്ങളിൽ എൻജിനീയറിങ് ബിരുദമാണ് യോ​ഗ്യത. അപേക്ഷകർ അവിവാഹിതരായിരിക്കണം.പ്രായപരിധി 20 നും 27 നും ഇടയിലുളളവരായിരിക്കണം. അവസാനവർഷ വിദ്യാർഥികൾക്കും അപേക്ഷിക്കാനവസരമുണ്ട്.

 

സേനാ ഉദ്യോഗസ്‌ഥരുടെ വിധവകൾക്കും (ടെക്, നോൺ ടെക്) 2 ഒഴിവുണ്ട്. ടെക് എൻട്രിയിൽ, ഏതെങ്കിലും ബിഇ/ബിടെക്കും നോൺ ടെക്‌ എൻട്രിയിൽ ഏതെങ്കിലും ബിരുദവുമാണു യോഗ്യത. ഇവർക്കുളള പ്രായപരിധി 35 ആണ്. 

 

തെരഞ്ഞെടുപ്പ്

അഞ്ച് ദിവസം നീളുന്ന എസ്എസ്ബി ഇന്റർവ്യൂ, വൈദ്യപരിശോധന എന്നിവയുടെ അടിസ്ഥാനത്തിലാണ് , തെരഞ്ഞെടുപ്പ്. ​ഗ്രൂപ്പ് ടെസ്റ്റ്, സൈക്കോളജിക്കൽ ടെസ്റ്റ് എന്നിങ്ങനെ രണ്ട് ഘട്ടങ്ങളായുളള ഇന്റർവ്യൂ ബെം​ഗളൂരു ഉൾപ്പെടെയുളള രാജ്യത്തെ കേന്ദ്രങ്ങളിൽ നടത്തും.

 

കൂടുതൽ വിവരങ്ങൾക്കും അപേക്ഷ സമർപ്പണത്തിനും

 www.joinindianarmy.nic.in

 

ഡോ. ഡെയ്സൻ പാണേങ്ങാടൻ

daisonpanengadan@gmail.com